ڈوڈہ ٹھاٹھری میں سڑک حادثہ، 5 افراد ہلاک دیگر پانچ زخمی - Doda Accident

Doda Thathri accident ڈوڈہ ضلع کے خانپورہ ٹھاٹھری علاقے میں ہفتے کی شام ایک سڑک حاثہ میں پانچ افراد ہلاک جبکہ پانچ دیگر زخمی ہوئے ہیں۔ زخمیوں میں سے تین کی حالت تشویشناک بنی ہوئی ہے۔

جموں: جموں وکشمیر کے ڈوڈہ ضلع کے خانپورہ ٹھاٹھری علاقے میں ہفتے کی شام نجی گاڑی ڈرائیور کے قابو سے باہر ہوکر گہری کھائی میں جاگری، جس کے نتیجے میں پانچ افراد کی برسر موقع ہی موت واقع ہوئی، جبکہ پانچ دیگر زخمی ہوئے جن میں سے تین کی حالت تشویشناک بنی ہوئی ہے۔
اطلاعات کے مطابق ہفتے کی شام کو خانپورہ ٹھاٹھری میں ایک نجی گاڑی لڑھک گئی، جس کے نتیجے میں گاڑی میں سوار دس افراد زخمی ہوئے۔معلوم ہوا ہے کہ حادثے کی اطلاع ملتے ہی مقامی لوگ اور پولیس اہلکار جائے موقع پر پہنچے اور زخمیوں کو طبی امداد کی خاطر نزدیکی ہسپتال منتقل کیا تاہم وہاں پر تعینات ڈاکٹروں نے پانچ افراد کو مردہ قرار دیا۔
ذرائع نے متوفین کی شناخت مختیار احمد ولد عبدالغنی ساکن بنڈوگہ ،کمسن بچی دختر عامر ،ریاض احمد ولد عبدالغنی ساکن پھاگسو، ارینا بیگم زوجہ صدام حسین ساکن گھونٹی، محمد رفیع ولد عبدالرحمن ساکن پھاگسو کے بطور کی ہے۔

زخمیوں کی پہچان دس سالہ کمسن بچی ،آٹھ سالہ کمسن بچی ، سفیان شیخ ولد بشیر احمد،سائمہ بیگم زوجہ عامر کے بطور کی گئی ہے۔دریں اثنا ڈوڈہ میں پیش آئے حادثے پر سیاسی ، سماجی اور مذہبی تنظیموں نے رنج وغم کا اظہار کرتے ہوئے لواحقین کے ساتھ تعزیت کا اظہار کیا ہے۔

(یو این آئی)