بیروت: اسرائیل کی فضائیہ نے جنوبی لبنان پر پیر کے اوائل میں درجنوں فضائی حملے کیے ہیں۔ اسرائیلی فوج نے کہا ہے کہ اس نے لبنان میں حزب اللہ کے خلاف تقریباً ایک سال کے دوران لڑائی کے سب سے شدید فضائی حملوں میں سے ایک میں پیر کو 300 اہداف کو نشانہ بنایا۔
لبنان کی وزارت صحت نے کہا کہ حملوں میں 50 افراد ہلاک اور 300 زخمی ہوئے ہیں۔
The Chief of the General Staff approves strikes on Hezbollah targets in Lebanon from the IDF Headquarters Underground Operations Center. So far, more than 300 Hezbollah targets have been struck today. pic.twitter.com/hbNKWJ8QAs
— Israel Defense Forces (@IDF) September 23, 2024
صیہونی فوج نے سوشل میڈیا پر کارروائی کا اعلان کرتے ہوئے ایک تصویر پوسٹ کی جس میں کہا جاتا ہے کہ فوجی سربراہ لیفٹیننٹ جنرل ہرزی نے تل ابیب میں فوجی ہیڈکوارٹر سے اضافی حملوں کی منظوری دے دی۔
این این اے نے کہا کہ اکتوبر کے اوائل میں لبنان اسرائیل سرحد کے ساتھ تبادلے شروع ہونے کے بعد پہلی بار فضائی حملے وسطی صوبے بائبلوس کی بلندیوں پر ہوئے۔ ایک سکیورٹی اہلکار نے المت گاؤں میں فضائی حملے کی تصدیق بھی کی۔
این این اے نے بتایا کہ صبح سویرے فضائی حملوں کا نشانہ شمال مشرقی بعلبیک اور ہرمیل کے علاقے بھی تھے جہاں بودائی گاؤں کے کھیتوں میں ایک چرواہا ہلاک اور اس کے خاندان کے دو افراد زخمی ہوئے۔ اس میں مزید کہا گیا کہ بودائی میں چار دیگر افراد بھی زخمی ہوئے اور سبھی کو علاقے کے اسپتالوں میں لے جایا گیا۔
این این اے نے یہ بھی بتایا کہ جنوبی گاؤں ایترون میں 11 افراد زخمی ہوئے ہیں جن میں ایک کی حالت تشویشناک ہے۔
جنوبی لبنان کے مختلف دیہات کے رہائشیوں نے سوشل میڈیا پر تصاویر پوسٹ کیں جن میں ان کے بقول ان کے قصبوں کو دکھایا گیا جو مارے جا رہے تھے۔ سرکاری خبر رساں ایجنسی نے بھی مختلف علاقوں میں فضائی حملوں کی اطلاع دی۔
اسرائیلی فوج کے عرب زبان کے ترجمان نے کہا کہ اسرائیل کی فضائیہ لبنان کے عسکری گروپ حزب اللہ سے متعلق اہداف پر حملہ کر رہی ہے۔
فضائی حملوں کی لہر ایک کشیدہ دن کے بعد آئی ہے جس میں حزب اللہ نے شمالی اسرائیل پر 100 سے زیادہ راکٹ فائر کیے جن میں سے کچھ حیفا شہر کے قریب گرے۔ جس کے بعد اسرائیل نے بھی سینکڑوں فضائی حملے کیے ہیں۔
حزب اللہ کا راکٹ حملہ جمعہ کے روز بیروت کے ایک مضافاتی علاقے پر اسرائیلی فضائی حملے کے بعد ہوا جس میں حزب اللہ کے ایک اعلیٰ فوجی کمانڈر اور درجنوں حزب اللہ کے ارکان سمیت درجنوں عام شہری بشمول خواتین اور بچے ہلاک ہوئے۔
اسرائیل نے لبنانیوں سے حزب اللہ کے علاقوں سے انخلاء کی اپیل کی:
اسرائیلی فوج نے جنوبی لبنان میں لوگوں سے اپیل کی ہے کہ وہ فوری طور پر ان گھروں اور دیگر عمارتوں کو خالی کر دیں جہاں حزب اللہ ہتھیاروں کا ذخیرہ رکھتی ہے اور کہا ہے کہ وہ عسکریت پسند گروپ کے خلاف "بڑے پیمانے پر حملے" کر رہی ہے۔
پیر کا اعلان سرحد پر نچلی سطح کے تنازع کے تقریباً ایک سال میں اپنی نوعیت کا پہلا انتباہ تھا۔
لبنانی میڈیا نے اطلاع دی ہے کہ رہائشیوں کو ٹیکسٹ پیغامات موصول ہوئے ہیں جس میں ان پر زور دیا گیا ہے کہ وہ اگلے نوٹس تک کسی بھی ایسی عمارت سے دور ہو جائیں جہاں حزب اللہ نے اسلحہ ذخیرہ کیا ہو۔
لبنانی میڈیا کے مطابق عربی پیغام میں لکھا گیا ہے کہ "اگر آپ حزب اللہ کے لیے ہتھیار رکھنے والی عمارت میں ہیں، تو اگلی اطلاع تک گاؤں سے دور چلے جائیں۔"
فوری طور پر یہ واضح نہیں ہو سکا کہ اسرائیلی احکامات سے کتنے لوگ متاثر ہوں گے۔ قریب قریب روزانہ فائرنگ کے تبادلے کی وجہ سے سرحد کے دونوں طرف کی کمیونٹیز بڑی حد تک خالی ہو چکی ہیں۔
اسرائیل نے حزب اللہ پر الزام عائد کیا ہے کہ اس نے جنوب میں چھپے راکٹ لانچروں اور دیگر بنیادی ڈھانچے کے ساتھ پوری کمیونٹی کو عسکریت پسندوں کے اڈوں میں تبدیل کر دیا ہے۔ اس کی وجہ سے یہ خاص طور پر بھاری بمباری کی مہم چلا سکتا ہے۔
پچھلے ہفتے لبنان میں ہزاروں مواصلاتی آلات (پیجر، ریڈیو، سولار سسٹم)، جو بنیادی طور پر حزب اللہ کے ارکان کے زیر استعمال تھے، لبنان کے مختلف حصوں میں پھٹ گئے، جس میں 39 افراد ہلاک اور تقریباً 3000 زخمی ہوئے۔ لبنان نے ان حملوں کا الزام اسرائیل پر لگایا ہے تاہم اسرائیل نے اس کی ذمہ داری کی ابھی تک تصدیق یا تردید نہیں کی ہے۔
یہ بھی پڑھیں:
