کراچی: پاکستان میں اتوار کو کراچی ایئرپورٹ کے باہر ایک زور دار دھماکے میں دو افراد ہلاک اور کم از کم آٹھ زخمی ہوگئے۔ بتایا جا رہا ہے کہ یہ دھماکہ چین کے شہریوں کو نشانہ بنا کر کیا گیا۔ ذرائع کے مطابق ممنوعہ تنظیم بلوچستان لبریشن آرمی (بی ایل اے) نے اس حملے کی ذمہ داری قبول کی ہے۔
#WATCH | At least three foreign nationals died while 17 others sustained injuries in a huge explosion near Jinnah International Airport, Karachi, reports Pakistan's Geo News.
— ANI (@ANI) October 7, 2024
(Video: Reuters) pic.twitter.com/qrJdStV9F7
صوبہ سندھ کے وزیر داخلہ ضیاء الحسن نے ایک بیان میں کہا کہ یہ حملہ غیر ملکیوں کو نشانہ بناتے ہوئے کیا گیا۔ یہ دھماکہ پاکستان کے سب سے بڑے ہوائی اڈے کے باہر ایک ٹینکر میں ہوا۔ اس دھماکے نے پورے شہر کو ہلا کر رکھ دیا۔ دھماکے کے بعد لگنے والی آگ کے باعث آس پاس کی کئی گاڑیاں جل کر خاکستر ہوگئیں۔ دھماکہ ایئرپورٹ سے باہر جانے والی سڑک پر ہوا۔
#WATCH | Karachi, Pakistan: Deputy Inspector General East Azfar Mahesar says, " according to initial information, an oil tanker caught fire which spread to several other vehicles causing collateral damage. we are determining if there was an element of terrorism involved which we… pic.twitter.com/3T204tUSvr
— ANI (@ANI) October 7, 2024
ذرائع ابلاغ کے مطابق یہ حملہ چینی شہریوں پر تھا۔ پاکستان میں ہزاروں چینی مزدور موجود ہیں۔ ان میں سے زیادہ تر بیجنگ کے بیلٹ اینڈ روڈ منصوبے کے لیے کام کرتے ہیں۔ یہ جنوبی اور وسطی ایشیا کو چینی دارالحکومت سے جوڑتا ہے۔ ویڈیو میں گاڑیوں میں آگ کے شعلے اور جائے وقوعہ سے دھوئیں کے گہرے بادل اٹھتے دیکھے گئے۔ دھماکے کے بعد گردونواح میں حفاظتی انتظامات سخت کر دیے گئے۔ جائے وقوع پر فوج کی بھاری نفری تعینات ہے اور علاقے کو ہر طرف سے محاصرے میں لے لیا ہے۔
یہ بھی پڑھیں: پاکستان میں 23 افراد کو گاڑیوں سے اتار کر قتل کر دیا گیا
ڈپٹی انسپکٹر جنرل ایسٹ اظفر مہیسر نے میڈیا کو بتایا کہ ایسا لگتا ہے کہ یہ آئل ٹینکر کا دھماکہ تھا۔ ہم دھماکے کی نوعیت اور وجہ کی تحقیقات کر رہے ہیں۔ انہوں نے کہا کہ زخمیوں میں پولیس اہلکار بھی شامل ہیں۔ دھماکا اتنا شدید تھا کہ ایئرپورٹ کی عمارتیں لرز اٹھیں۔