ممبئی: 16 بار کے سابق ڈبلیو ڈبلیو ای چیمپئن اور ہالی ووڈ اسٹار جان سینا ان دنوں اپنی آنے والی فلم 'جیک پاٹ' کی تشہیر میں مصروف ہیں۔ حال ہی میں ایک انٹرویو میں انہوں نے بالی ووڈ کنگ شاہ رخ خان، ہندوستانی ثقافت اور یہاں کے کھانوں کے بارے میں اپنا تجربہ شیئر کیا۔ ہالی ووڈ اداکار نے انکشاف کیا کہ شاہ رخ خان سے ملاقات کے بعد ان کی زندگی کیسے بدل گئی۔
انٹرویو میں جان سینا سے ان کے دورہ بھارت کے بارے میں پوچھا گیا۔ ان سے پوچھا گیا کہ انہیں شاہ رخ خان سے مل کر کیسا لگا؟ انہوں نے بتایا کہ جب وہ شاہ رخ سے ذاتی طور پر ملے تو وہ ’اسٹارسٹرک‘ اور جذباتی ہو گئے۔ اداکار نے کہا کہ انہوں نے (شاہ رخ) ٹیڈ ٹاک کیا، جو مجھے میری زندگی میں صحیح وقت پر ملا۔ ان کے الفاظ میرے لیے متاثر کن تھے۔ انہوں نے میری زندگی میں تبدیلیاں لانے میں مدد کی ہے۔ ان تبدیلیوں کے بعد میں ان تمام جیک پاٹس کو پہچاننے میں کامیاب ہو گیا ہوں جو مجھے دیے گئے ہیں اور میں ان کا شکر گزار ہوں۔ میں اس سے بھی زیادہ محنت کرتا ہوں تاکہ وہ تمام چیزیں ضائع نہ ہوں۔
A surreal 24 hours. So grateful for the Ambani family for their unmatched warmth and hospitality.
— John Cena (@JohnCena) July 13, 2024
An experience filled with so many unforgettable moments which allowed me to connect with countless new friends, including meeting @iamsrk and being able to tell him personally the… pic.twitter.com/MNRb29cFuV
سینا نے مزید کہا کہ یہ میرے لیے ایک جذباتی لمحہ تھا۔ جب میں شاہ رخ خان سے ملا۔ جب آپ کسی ایسے شخص سے ہاتھ ملانے کے قابل ہوتے ہیں جو آپ کی زندگی میں اثر ڈالتا ہے۔ یہ لاجواب تھا۔ وہ اس سے زیادہ ہمدرد، مہربان اور شیئر کرنے والے نہیں ہو سکتے تھے۔ یہ حیرت انگیز تھا۔ میں حیران تھا، یہ واقعی بہت اچھا تھا۔
غور طلب ہے کہ جان سینا 14 جولائی کو اننت امبانی اور رادھیکا مرچنٹ کی شادی میں شرکت کے لیے ممبئی آئے تھے۔ اس دوران ان کی ملاقات شاہ رخ خان سے ہوئی۔ ان سے ملنے کے ایک دن بعد جان سینا نے اپنے ایکس اکاؤنٹ پر امبانی کے پروگرام سے 'جوان' اسٹار کے ساتھ اپنی ملاقات کی ایک جھلک شیئر کی۔
انہوں نے پوسٹ میں لکھا کہ یہ 24 گھنٹے شاندار تھے۔ میں امبانی خاندان کا بے مثال گرمجوشی اور مہمان نوازی کے لیے ان کا بہت شکر گزار ہوں۔ یہ تجربہ بہت سے یادگار لمحات سے بھرا ہوا تھا، جس نے مجھے شاہ رخ خان سے ملنے سمیت ان گنت نئے دوستوں سے جڑنے کا موقع فراہم کیا۔
جان سینا نے ہندوستانی کھانوں کے بارے میں بھی بات کی۔ انھوں نے کہا کہ امبانی کی شادی میں کھانے کی بہت سی چیزیں پیش کی گئیں، لیکن انھوں نے ہندوستانی کھانا اور ہندوستانی اسٹریٹ فوڈ کھایا۔ کھانا حیرت انگیز تھا۔ مسالا اتنا تھا کہ مجھے تھوڑا پسینہ آنے لگا۔ میں اپنے اگلے سفر پر اپنے مصالحہ چکھنے کے لیے پرجوش ہوں اور واپس آنے کا انتظار نہیں کر سکتا۔
