دہلی: پارلیمنٹ پارلیمنٹ کے دونوں ایوانوں کی کارروائی جاری ہے۔ آج کی کارروائی میں وزیر خزانہ نرملا سیتا رمن کے ذریعہ پیش کردہ مرکزی بجٹ 2025-26 پر بحث شروع ہو گئی ہے۔ صدر جمہوریہ کے خطاب پر تحریک شکریہ کے بیچ اپوزیشن ارکان زبردست ہنگامہ کر رہے ہیں۔ لوک سبھا اور راجیہ سبھا دونوں میں اپوزیشن جماعتوں کمبھ ہلاکتوں پر بحث کا مطالبہ کر رہی ہیں۔ کمبھ میلے میں بھگدڑ کے دوران ہوئی اموات پر مرکز اور یوپی حکومت کے خلاف اپوزیشن کی نعرے لگانے کے بیچ پارلیمنٹ کی کارروائی جاری ہے۔
یہ لوگ کمبھ میں کسی واقعے کا انتظار کر رہے تھے: دنیش شرما
سماج وادی پارٹی کے سربراہ اکھلیش یادو کے بیان پر بی جے پی ایم پی اور یوپی کے سابق ڈپٹی سی ایم دنیش شرما نے کہا کہ یہ لوگ کمبھ میں کسی واقعہ ہونے کا انتظار کر رہے تھے تاکہ اس پر سیاست کر سکیں۔ وہاں جو واقعہ ہوا وہ افسوس ناک ہے۔ اس معاملے کی جانچ جاری ہے۔ وہاں 40 کروڑ سے زیادہ لوگ آرہے ہیں اور انتظامات بہت اچھے ہیں۔ اپوزیشن کو ایسے واقعات پر سیاست نہیں کرنا چاہیے۔
#WATCH | On the statement of Samajwadi Party chief Akhilesh Yadav, BJP MP & former UP Deputy CM Dinesh Sharma says, " these people who were waiting for an incident to take place in mahakumbh so that they can do politics on it...the incident that took place there is unfortunate.… pic.twitter.com/zrmyiZ3ytA
— ANI (@ANI) February 3, 2025
وقف بل پر جے پی سی کی رپورٹ پیش کی جائے گی
دریں اثنا، وقف بل پر جے پی سی کی رپورٹ آج لوک سبھا میں پیش کی جائے گی۔ وقف ترمیمی بل پر جے پی سی کے چیئرمین جگدمبیکا پال نے کہا کہ "جب اسپیکر ایجنڈا تجویز کرے گا اور بزنس ایڈوائزری کمیٹی متفق ہو جائے گی، تو ہم اسے پیش کریں گے۔"
#WATCH | Delhi: On JPC report on Waqf, BJP MP and Chairman of JPC on Waqf Amendment Bill, Jagadambika Pal says, " when the speaker proposes the agenda and the business advisory committee agrees, we will table it." pic.twitter.com/5TCyJaw509
— ANI (@ANI) February 3, 2025
آج کے لوک سبھا اجلاس کے ایجنڈے میں کیا ہے؟
آج لوک سبھا کے ایجنڈے میں سال 2024-25 کے لیے وزارت خارجہ کے گرانٹس کے مطالبات پر کمیٹی برائے خارجہ امور کی رپورٹ اور قائمہ کمیٹی برائے ٹرانسپورٹ، سیاحت اور ثقافت کی رپورٹ شامل ہے۔ اس کے علاوہ مرکزی وزیر داخلہ امت شاہ ’تربھون‘ کوآپریٹو یونیورسٹی بل، 2025 پیش کریں گے۔وہیں وقفہ سوالات اور صدر کے خطاب پر تحریک شکریہ بھی ایجنڈے میں موجود ہے۔ قانون سازی کے ایجنڈے میں وقف (ترمیمی) بل اور امیگریشن اینڈ فارنرز بل سمیت 16 بل شامل ہیں۔
راجیہ سبھا اجلاس کے ایجنڈے میں کیا ہے؟
وہیں راجیہ سبھا کے آج کے اینڈے میں صدر کے خطاب پر تحریک شکریہ، اس پر بحث اور وقفہ سوالات شامل ہے۔ واضح رہے کہ مرکزی بجٹ یکم فروری کو پیش کیا گیا تھا۔ سیشن کا پہلا حصہ 13 فروری کو ختم ہوگا۔ دوسرا حصہ 10 مارچ سے شروع ہوگا۔ اجلاس چار اپریل کو ختم ہوگا۔ اجلاس کے قانون سازی کے ایجنڈے میں وقف (ترمیمی) بل اور امیگریشن اینڈ فارنرز بل سمیت 16 بل شامل ہیں۔
یہ بھی پڑھیں:صدر جمہوریہ کے خطبے پر شکریہ کی تحریک، راہل گاندھی متعدد مسائل پر مرکزی حکومت کو بنائیں گے نشانہ
وقف ترمیمی بل پر جے پی سی کی رپورٹ لوک سبھا اسپیکر اوم برلا کو پیش کر دی گئی
