Prathidhwani: చరిత్ర, వారసత్వ సంపద పరిరక్షణలో మన ప్రభుత్వాలు ఎక్కడ?

చరిత్ర అంటే రాజులు, యుద్ధాల చిట్టానే కాదు. అంతకు మించిన ఎంతో ఘనమైన వారసత్వ ఆనవాళ్లు, నాగరికతల చిహ్నాలూ ఉంటాయి. వాటి గురించి తెలుసుకోవడం.., వాటి ఔన్నత్యం గుర్తించడంలోనే వర్తమానం గొప్పతనం ఆధారపడి ఉంటుంది. కాకపోతే ఆ శతాబ్దాల సుసంపదను కాపాడుకోవడంలో, గుర్తింపు కోసం కృషి చేయడంలో ఎక్కడో వెనుకబాటు.., తడబాట్లు. వాటిని అన్నింటినీ దాటుకుంటూ... రామప్ప రూపంలో... తొలిసారిగా తెలుగునేల నుంచి ఒక చారిత్రక కట్టడం యునెస్కో వారసత్వ కట్టడాల జాబితాలో చోటు సంపాదించుకుంది. ఈ నేపథ్యంలోనే.. చారిత్రక మూలాలు.., ఆ ఆనవాళ్లు కాపాడుకోవాల్సిన ఆవశ్యకతపై ఈరోజు ఈటీవీ భారత్​ ప్రతిధ్వని చర్చా కార్యక్రమం.