శుభ్రం చేస్తుండగా గన్ 'మిస్​ఫైర్'.. కానిస్టేబుల్​ కంటికి గాయం

gun misfire: సిద్దిపేట పట్టణ శివారులో ఉన్న ఏఆర్ హెడ్ క్వార్టర్స్‌లో తుపాకీ శుభ్రపరుస్తున్న క్రమంలో మిస్ ఫైర్ అయ్యింది. స్థానికులు పోలీసులు తెలిపిన వివరాల ప్రకారం.. సిద్దిపేట రూరల్ మండలం పుల్లూరు గ్రామానికి చెందిన సుతారి రాజశేఖర్ 2013 బ్యాచ్ హెడ్ కానిస్టేబుల్​గా హెడ్ క్వార్టర్స్​లో విధులు నిర్వహిస్తున్నాడు. అయితే కొద్ది రోజుల క్రితం నంగునూరు మండలం రాజగోపాల్ పేట పోలీస్ స్టేషన్ పరిధిలో మాబులేషన్ నిర్వహించారు. అక్కడ ఉపయోగించిన ఆయుధాలను మంగళవారం రాజశేఖర్ క్లీన్ చేస్తున్నాడు. ఆ క్రమంలో  ఏకే - 47 గన్​లో ఉండే చీప్ కదలడంతో బుల్లెట్ ఒకసారిగా వెలుపలికి వచ్చి అతని భుజానికి తాకి కూడి కన్ను మీదుగా బయటకు వెళ్లింది. గమనించిన తోటి పోలీసులు అతన్ని హుటా హుటిన సిద్దిపేట ప్రభుత్వ హాస్పిటల్​కు తరలించగా ప్రాథమిక చికిత్స చేశారు. అక్కడి నుంచి వైద్యుల సూచనల మేరకు హైదరాబాదులోని సరోజిని కంటి ఆస్పత్రికి తరలించారు.