summer camp: పిల్లలూ.. మీరు కూడా సమ్మర్ ఇలాగే ఎంజాయ్ చేస్తున్నారా..?

shilparamam summer camp in hyderabad: హైదరాబాద్ మాదాపుర్ శిల్పారామంలో ఏర్పాటు చేసిన సమ్మర్ క్యాంపులో పిల్లలు పెద్దలు ఉత్సాహంగా పాల్గొంటున్నారు. ఈ సమ్మర్ క్యాంపులో చిన్నా పెద్ద వయస్సుతో తేడా లేకుండా మట్టి కుండల తయారీ, మట్టి బొమ్మలు తయారీ, మదుభని పేయింటింగ్, నిర్మల్ పేయింటింగ్, సంస్కృత భాషా మాట్లాడడం భగవద్గీత శ్లోకాలు నేర్చుకుంటూ సమ్మర్ హాలిడేస్​ను జాలీగా ఎంజాయ్ చేస్తూ కాస్త జ్ఞానాన్ని కూడా పెంచుకుంటున్నారు. ఈ నెల 1వ తేదీన ప్రారంభమైన ఈ క్యాంపు 15వ తేదీ వరకు కొనసాగనుందని నిర్వాహకులు తెలిపారు. వయస్సుతో సంబంధం లేకుండా అన్ని వయస్సుల వారికి ఈ క్యాంపులో శిక్షణ ఇస్తున్నట్లు వెల్లడించారు. గతేడాది ఏడాది కంటే ఈ ఏడాది సమ్మర్ క్యాంపునకు మంచి స్పందన వస్తోందని.. పిల్లలు అధిక సంఖ్యలో పాల్గొన్నారని చెప్పార. ఎప్పుడు సమ్మర్ హాలిడేస్ అంటే ఇంట్లో కూర్చొని వీడియో గేమ్స్ ఆడే వాళ్లమని.. కానీ ఈ సమ్మర్​లో మాత్రం ఈ క్యాంపునకు వచ్చి చాలా విషయాలు నేర్చుకుంటున్నామని పిల్లలు అంటున్నారు. మట్టి కుండలు, మట్టి బొమ్మలు తయారు చేయడం నేర్చుకున్నామని.. తాము తయారు చేసిన బొమ్మలు చూస్తుంటే ఎంతో ఆనందంగా ఉందని హర్షం వ్యక్తం చేస్తున్నారు.