హైదరాబాద్‌ - విజయవాడ రూట్​లో ఫుల్​ ట్రాఫిక్​ జామ్ - 5 కిలోమీటర్ల మేర నిలిచిన వాహనాలు

Heavy Traffic Jam on National Highway 65 : సంక్రాంతి పండుగ సందర్భంగా విద్యార్థులు, ఉద్యోగులు సొంతూళ్ల బాట పట్టారు. దీంతో రహదారులన్నీ ప్రయాణికులతో కిక్కిరిసిపోయాయి. గత రెండు, మూడు రోజుల నుంచి జాతీయ రహదారులన్నీ ఫుల్​గా దర్శనమిస్తున్నాయి. ఎన్​హెచ్ ​65 రహదారిపై 5 కిలోమీటర్ల మేర వాహనాలు నిలిచిపోయాయి. హైదరాబాద్ - విజయవాడ జాతీయ రహదారిపై భారీ ట్రాఫిక్ జామ్ ఏర్పడింది. హైదరాబాద్‌ నుంచి విజయవాడ వెళ్లే వాహనాలతో ధర్మాజీ గూడెం స్టేజ్ వద్ద గందరగోళం ఏర్పడింది.

విజయవాడ వెళ్లే వాహనాలను రెండు ప్రధాన రహదారులపైకి పంపించడంతో, 5 కిలోమీటర్ల మేర వాహనాలు నిలిచిపోయాయి. తెల్లవారుజాము నుంచి ట్రాఫిక్​ నిలిచిపోయింది. రేపటి నుంచే పండుగ మొదలు అవుతుండడంతో గత రెండు రోజుల కంటే రెండింతల వాహనాలు నేడు నిలిచిపోయాయి. దీంతో జాతీయ రహదారిపై ట్రాఫిక్‌ జామ్‌ ఏర్పడి ప్రయాణికులు తీవ్ర ఇబ్బందులు ఎదుర్కొంటున్నారు. ట్రాఫిక్ పోలీసులు రంగంలోకి దిగి ట్రాఫిక్​ను క్రమబద్దీకరించే పనిలో నిమగ్నమయ్యారు.