షా పర్యటనకు ముందు బంగాల్​లో ఉద్రిక్తత

అసెంబ్లీ ఎన్నికల నేపథ్యంలో రెండు రోజుల పర్యటన నిమిత్తం బంగాల్​ చేరుకున్నారు కేంద్ర హోంమంత్రి అమిత్​ షా. ఆయన పర్యటనకు ముందు రాష్ట్రంలో ఉద్రిక్త పరిస్థితులు నెలకొన్నాయి. ఫూల్​ బగన్​ ప్రాంతంలో ఉత్తర కోల్​కతా భాజపా అధ్యక్షుడు శివాజీ సింఘా రాయ్​, పార్టీ నేత సువేందు అధికారి, శంకుదేబ్​ పాండలపై కొందరు దుండగులు దాడి చేశారు. ఈ సంఘటనలో పార్టీ జిల్లా అధ్యక్షుడు శివాజీ సింఘూ రాయ్​ గాయపడ్డారు. ఆయన్ని స్థానిక ఆసుపత్రికి తరలించారు. అంతకు ముందు రాష్ట్ర కార్మిక శాఖ మంత్రి జాకిర్​ హుస్సేన్​పై బాంబు దాడి జరిగింది.