లాక్​డౌన్ వేళ బలమైన బంధాలకు ఇదే దారి!

లాక్​డౌన్ వల్ల ప్రజలంతా ఇళ్లకే పరిమితమయ్యారు. ఈ సమయంలో చాలా సంస్థలు ఇంటి నుంచే పని చేసేందుకు వీలుకల్పిస్తున్నాయి. ఎప్పుడో వారాంతంలో కుటుంబంతో గడిపేవారికి ఇది మంచి అవకాశం. అందివచ్చిన అవకాశాన్ని వినియోగించుకుని మీ బంధాలను మరింత బలోపేతం చేసుకోండి.

కరోనా విజృంభణను అరికట్టేందుకు లాక్​డౌన్ విధించింది ప్రభుత్వం. ఇందువల్ల ప్రజలంతా ఇళ్లకే పరిమితం అయ్యారు. ఈ సమయంలో చాలా మంది ఇంటి వద్ద నుంచే పని చేస్తున్నారు. లాక్​డౌన్​ మరిన్ని రోజులు పొడిగించే అవకాశం ఉంది. ఈ అవకాశాన్ని సద్వినియోగం చేసుకుని మీ బంధాలను మరింత బలపరుచుకోండి.

నేడు 'నేను' ఉపయోగమే అధికం

1950 కాలంలో ప్రజలు తమ బంధాలకు ఎందుకు అంత విలువ ఇచ్చేవారు తెలుసుకునేందుకు పరిశోధకులు ప్రయత్నించారు. ఇందుకు 100​ సంభాషణలను పరిశీలించగా వారంతా ఎక్కువగా నేను అనే పదాన్నే ఉపయోగిస్తున్నట్లు గుర్తించారు. అంతే కాకుండా ఇది మానవుల మనస్తత్వాన్ని గురించి వెల్లడించింది. అసలు ఈ నేను, మీరు అనే పదాల మధ్య వ్యత్యాసాన్ని తెలిపారు మోటివేషనల్​ వక్త సైటెండర్​ సెహ్రావత్. బంధాలకు విలువిచ్చే వారు అందరితోనూ ఎంతో సఖ్యతగా మెలుగుతారు. జీవిత భాగస్వామి, పిల్లలు, వ్యాపార భాగస్వాములు, వినియోగదారులు, పొరుగువారితో మంచిగా ఉంటారని తెలిపారు.

స్వీయ అవగాహన

చాలా మంది స్వీయ అవగాహనలో ఉన్న అపారమైన శక్తిని తక్కువ అంచనా వేస్తారు. లాక్​డౌన్​ సమయంలో​ బంధాలను దగ్గర చేసుకునేందుకు ఇదో మంచి అవకాశం. ఇంట్లో ఉండేవారికి చిన్న చిన్న పనుల్లో సాయపడాలి. సంబంధాలకు అడ్డుతగిలే కారణాలను గుర్తించి వాటిని పరిష్కరించే ప్రయత్నం చేయాలి. కుటుంబ సభ్యులతో మాట్లాడాలి.

లాక్​డౌన్ మీ సంబంధాలను దెబ్బతీస్తుందా?

రోజంతా కుటుంబ సభ్యులతో గడపడం అనేది ఓ సరికొత్త అనుభూతి. అయితే.. భవిష్యత్తు కోసం, ఆర్థికంగా ఎదిగేందుకు ఎక్కువ సమయం కేటాయించటం వల్ల కుటుంబీకులతో గడిపే అవకాశాన్ని కోల్పోతాం. దీని వల్ల నిరాశే అధికమవుతుంది. ఇది మానసిక స్థితిపై తీవ్ర ప్రభావం చూపుతుంది. ప్రస్తుత సమయాన్ని సరైన పద్ధతిలో మలుచుకుని.. బంధాలను పెంచుకోవాలి. లేదంటే అది సమస్యలు తెచ్చిపెడుతుంది.

కృతజ్ఞత..

వారాంతాల్లో మినహా మిగతా సమయాల్లో మీ జీవిత భాగస్వామి, తల్లిదండ్రులతో సరిగా మాట్లాడటం కూడా కుదరదు. ఇక వారు ఏం చేస్తారో అసలే గమనించం. ఇందుకు ఓ రోజు మీ పాత్రను మార్చేయండి. రోజు ఏదో సమయంలో జీవిత భాగస్వామి, తల్లిదండ్రులతో గడపండి. దీనివల్ల వారు ఎంతో ఆనందంగా ఉంటారు. మన ప్రియమైన వారికి కృతజ్ఞతలు తెలపడం బంధాన్ని మరింత బలోపేతం చేస్తుంది.

సహనం ఉండాలి

ఇంటి నుంచి పని చేయడం అతి పెద్ద సమస్యగా భావిస్తారు. దీనివల్ల పరధ్యానంలోకి వెళ్తుంటాం. ఇందుకు కొంచెం ఓపిక కూడా అవసరమే. ఇంటి దగ్గర పని చేస్తున్నాం కదా అని అధిక సమయం పనికే కేటాయించకండి. తరచూ విరామం తీసుకుంటూ ఉండండి. మధ్య మధ్యలో మీ పెంపుడు జంతువులు, పిల్లలు, జీవిత భాగస్వామి, తల్లిదండ్రులతో మాట్లాడుతూ ఉండండి. ఇలా చేయడం వల్ల లాక్​డౌన్​ ముగిసే సరికి మంచి సంబంధాలను కలిగి ఉంటారు.

సృజనాత్మకత..

ఇంటి దగ్గర నుంచి పని చేస్తోన్న సమయంలో బృందంతో చర్చిస్తూ సృజనాత్మకతను చూపించాలి. దేన్నయినా విభిన్నంగా ఆలోచించాలి. ఇంట్లో ఫర్నిచర్​నూ మార్చుతూ ఉండాలి. మీ ఆలోచనలను ఇతరులతో పంచుకోవాలి. జీవిత భాగస్వామి, పిల్లలతో కలిసి సృజనాత్మకంగా ఏదైనా చేయడానికి ఇదో మంచి అవకాశం.

మాట్లాడుతూ ఉండాలి

వ్యాధులు, మానసిక రుగ్మతలతో బాధపడేవారికి చికిత్స కంటే కాస్త మంచిగా మాట్లాడితేనే తొందరగా నయం అవుతుంది. ఏవైనా సమస్యలు ఉంటే వ్యక్తులు ఎదురెదురుగా ఉండి మాట్లాడుకుంటే 90 శాతం సమస్యలకు పరిష్కారం అవుతాయి.

ప్రణాళిక..

ఈ లాక్​డౌన్ సమయంలో మాట్లాడేందుకు నలుగురు లేకుంటే చాలా కష్టంగా ఉంటుంది. మీ భవిష్యత్తును ఇప్పుడే ప్లాన్​ చేసుకోండి. మీ వ్యక్తిత్వంలో కృతజ్ఞత, సహనం అనేవి సంపూర్ణతనిస్తాయి. వ్యక్తులతో బలమైన, సంతోషకరమైన సంబంధాలు కలిగి ఉండేందుకు విభేదాలు లేకుండా, వాటిని ఎలా అధిగమించాలో గుర్తించాలి. తరచూ అందరితో మాట్లాడుతూ ఉండండి. జీవితంలో వ్యక్తులకు విలువ ఇవ్వాలి.

ఇదీ చదవండి: మలేరియా మందు ఎగుమతులపై కేంద్రం కొత్త ట్విస్ట్