పిల్లలు పుట్టకుండా ఆపరేషన్​ ఎవరు చేయించుకుంటే మంచిది?

ఒకరిద్దరు పిల్లలు పుట్టిన తర్వాత.. ఇక చాలని కొందరు దంపతులు భావిస్తారు. ఇందుకోసం పిల్లలు పుట్టకుండా ఉండటానికి ఆపరేషన్​ చేయించుకుంటారు. అయితే ఈ శస్త్రచికిత్స​ పురుషులు చేయించుకోవడం మంచిదా లేదా మహిళలు చేయించుకోవడం మంచిదా? దీని గురించి వైద్యులు ఏమంటున్నారంటే...

సంతానం ఎందరో దంపతుల కల. అయితే ఒకరిద్దరు పుట్టిన తర్వాత.. ఇక చాలని కొందరు భావిస్తారు. భవిష్యత్​లో గర్భం దాల్చకుండా ఉండాలని ప్రయత్నిస్తారు. ఇందుకోసం శస్త్రచికిత్స కూడా చేయించుకుంటారు. ముఖ్యంగా మహిళలే ఎక్కువగా ఈ ఆపరేషన్​ను(ట్యూబెక్టమీ, tubectomy operation) చేయించుకుంటారు. అయితే పురుషులు కూడా దీన్ని(వ్యాసక్టమీ,vasectomy operation)​ చేయించుకోవచ్చు. పిల్లలు పుట్టకుండా ఉండటానికి ఈ శస్త్రచికిత్స మగవాళ్లు చేయించుకుంటే మంచిదని వైద్యనిపుణులు అంటున్నారు.

మహిళలకు ఇబ్బందులు

ట్యూబెక్టమీ.. మహిళల పొట్ట లోపలకు వెళ్లి చేయాలి. దీని వల్ల ఒక్కోసారి కడుపులో ఇన్​ఫెక్షన్(tubectomy problems)​ రావచ్చు. కొంతమందిలో ఈ ఇబ్బందులు తలెత్తుతాయి. పురుషుల్లో ఇలాంటి ఇబ్బందులు రావు.

పురుషులు చేసుకునే ఆపరేషన్ చాలా సులువైనది​. ఏమాత్రం ఇబ్బంది లేకుండా చేసుకోవచ్చు. అయితే శస్త్రచికిత్స​ చేయించుకుంటే తాము సెక్స్​ చేయడానికి పనికిరామని.. నరాల బలహీనత వస్తుందని.. శారీరకంగా బలహీన పడతామని పురుషులు భయపడుతుంటారు.ఆపరేషన్​ చేయించుకోవడానికి ముందుకు రారు. అయితే వ్యాసక్టమీ వల్ల ఎలాంటి సమస్యలు రావని వైద్యులు చెబుతున్నారు. అలాగే శస్త్రచికిత్స అనంతరం కూడా ఎప్పట్లాగే శృంగారంలో పాల్గొనవచ్చని అంటున్నారు.

అందువల్ల అపోహాలను పక్కనపెట్టి పురుషులు ఆపరేషన్​ చేయించుకోవడమే మేలంటున్నారు నిపుణులు.

• " class="align-text-top noRightClick twitterSection" data="">
  

ఇదీ చూడండి: కాలిన గాయాల మచ్చలు పోవాలంటే.. ఇలా చేయండి!