చక్కని బంధానికి.. ఓ థాంక్స్​.. ఓ సారీ!

సరసాల దాంపత్యం, నవరసాల సంసారం కలగలిసిందే జీవితం. ఈ ఆట ఆడే ఆలుమగలిద్దరూ సమఉజ్జీలు అయినప్పుడే.. జీవితం రంజుగా సాగుతుంది. ప్రతి మలుపులోనూ ఇద్దరి విజయం సాధ్యమవుతుంది. ప్రతి గెలుపునూ ఇద్దరూ ఆస్వాదించే అవకాశం లభిస్తుంది. ఒకరికొకరు అవకాశం కల్పిస్తూ అల్లుకుపోవడమే దాంపత్య రహస్యం. ఒకరినొకరు అర్థం చేసుకోవడమే సంసార సూత్రం. ఒకరినొకరు అర్థం చేసుకుని ముందుకెళ్తే ఆ కాపురం హాయిగా సాగుతుందంటున్నారు నిపుణులు.

కలకాలం కలిసి ఉండాల్సిన వాళ్లు... ప్రతి చిన్న విషయానికిీ పోట్లాడుకుంటుంటే జీవితం నిస్సారంగా మారుతుంది. అలకలు కాస్తా అనుబంధాన్ని బీటలు వారుస్తాయి...

• దాంపత్య బంధంలో ఇద్దరి మధ్య భేదాభిప్రాయాలు సహజం. ఆ సమస్యను అక్కడివరకే చూడాలి. భవిష్యత్తులో మరో ఇబ్బంది ఎదురైనప్పుడు దాన్ని దీనితో జత కలపొద్దు. పాతవాటిని తవ్వుకోవడం వల్ల ఇద్దరి మనసుల్లోనూ ప్రతికూల భావాలు పెరిగిపోతాయి.
• తరచూ వాదనలు పెరిగిపోతుంటే... సమస్య ఎక్కడ ఉందో మూలం తెలుసుకోండి. తామే నెగ్గాలనుకోవడం వల్లే ఇలాంటి పరిస్థితి ఎదురవుతుంది. వీలైతే ఎదుటివారి కోణంలో ఆలోచించడానికి ప్రయత్నించండి. దాంతో మీ ఆలోచనల్లో మార్పు రావొచ్చు.
• ఎప్పుడూ ఎదుటివారిలో లోపాలను మాత్రమే చూడొద్దు వారిలోని సానుకూలతలను గుర్తించగలిగితే ... మీపై ఆ ప్రభావం పడుతుంది. చిన్న విషయమే అయినా థ్యాంక్స్​ చెప్పడం, చిన్న చిన్న పొరపాట్లు చేసినప్పుడు సారీ చెప్పడం లాంటివి మీ అనుబంధాన్ని మరింతంగా పెంచుతాయి.

ఇవీ చూడండి: కరోనాపై ఇంటి నుంచే యుద్ధం.. హోం ఐసోలేషన్‌లోనే వైద్య సేవలు..