ప్రస్తుతం మనలో చాలామందికి షుగర్ లెవెల్స్ 100కు పైగానే ఉంటున్నాయి. అంటే వీళ్లందరూ డయాబెటిస్ బారినపడటానికి దాదాపుగా సిద్ధంగా ఉన్నట్లే. షుగర్ లెవెల్స్ 100 దాటి 120 దిశగా దూసుకెళ్తుంటే వైద్యులు దానిని ప్రీ-డయాబెటిస్ స్టేజ్ (ముందస్తు మధుమేహం) అంటారు. కనీసం ఈ దశలో అయినా జాగ్రత్తపడితే ముందస్తు మధుమేహం (prediabetes) పూర్తి స్థాయి షుగర్ జబ్బుగా మారకుండా నివారించుకోవచ్చు.
ముందస్తు మధుమేహానికి అడ్డుకట్ట వేయడం ఎలా?
ప్రీ డయాబెటిస్ బయటపడిన నాటి నుంచే షుగర్ పేషంట్స్ అనుసరించే డైట్, లైఫ్ స్టైల్ను (diet to reverse prediabetes) ఫాలో అయితే.. డయాబెటిక్గా మారకుండా ఉండే అవకాశం ఉంది.
ఏం తినొచ్చు..?
డైట్లో (diabetes diet) కార్బోహైడ్రేట్స్ తగ్గించాలి. ముఖ్యంగా వైట్ రైస్ తగ్గించి, దానికి ప్రత్యామ్నాయంగా బ్రౌన్ రైస్, రోటీలను తింటే మంచిది. కర్రీస్ తక్కువ తింటున్నట్టు అయితే దాని మోతాదు పెంచండి. కాఫీ, టీలలో చక్కెర వేసుకోకుండా ఉండటం మంచిది. లేదా షుగర్ ఫ్రీ వాడటం మేలు. పండ్లు ఏవైనా తినొచ్చు. బ్రెడ్, బిస్కెట్, మైదా, బేకరీ ఐటెమ్స్ తినడం మంచిది కాదు.
వ్యాయామాలు..
షుగర్ పేషెంట్లు (exercise for diabetes) కనీసం రోజుకు అరగంట వ్యాయామం చేయాల్సి ఉంటుంది. ఇందులో 5 రోజులు ఏరోబిక్స్ (కార్డియాక్ ఎక్సర్సైజులు లాంటివి), 2 రోజులు మజిల్ బిల్డింగ్ యాక్టివిటీస్ చేయాలి. ఇలా చేయడం వల్ల కండరాలు పెరిగి, కొవ్వు తగ్గుతుంది. డయాబెటిస్ నియంత్రణలోకి వస్తుంది. దీని ద్వారా డయాబెటిక్గా మారకుండా ప్రీ డయాబెటిస్ స్టేజిలోనే ఉండొచ్చు, లేదా నార్మల్ కూడా అయ్యే అవకాశం ఉంది.
- " class="align-text-top noRightClick twitterSection" data="">
ఇదీ చూడండి: మధుమేహం అదుపులో ఉండాలంటే.. ఇవి తప్పనిసరి!
