How to get rid of cold: సీజన్ మారినప్పుడల్లా జలుబు చేయడం.. ఆపై వారం, పదిరోజుల పాటు అవస్థలు పడటం చాలామందిలో చూస్తుంటాం. మిగతా సీజన్లలో ఎలా ఉన్నా.. చలికాలంలో జలుబు బాధలు ఎక్కువగా వస్తుంటాయి. చల్లగాలికి ఇట్టే జలుబు చేసేస్తుంది. పిల్లలకైతే ముక్కులు కారుతూనే ఉంటాయి. ఈ నేపథ్యంలో జలుబు బాధల నుంచి బయట పడాలంటే ఏం చేయాలి? ఎలాంటి జాగ్రత్తలు తీసుకోవాలి ఇప్పుడు తెలుసుకుందాం..
చలితీవ్రత పెరిగినప్పుడు చాలా మందిలో శ్వాసకోశ సంబంధ సమస్యలు తలెత్తుతాయి. చాలా తరుచుగా దగ్గు, జలుబు, తుమ్ములు, కఫం వంటి బాధలు వేధిస్తుంటాయి. ఈ సీజన్లో తరచూ వేధించే జలుబును అస్సలు అశ్రద్ధ చేయకూడదు. సాధ్యమైనంత త్వరగా జలుబు తగ్గిపోయేలా తగిన జాగ్రత్తలు తీసుకోవాలి. ఎందుకంటే చాలా సందర్భాల్లో జలుబు బ్రాంకైటీకి దారితేసే అవకాశముంటుంది.
ఈ చిట్కాలు పాటిస్తే సరి..
- పావు స్పూన్ మిరియాల పొడిని తేనెతో కలిపి తరచూ తీసుకోవాలి.
- వేడినీటిలో పసుపు వేసుకుని ఆవిరిపట్టాలి.
- వేడినీటిలో అల్లం ముక్కలు ఉడకబెట్టి వడకట్టుకొని కొద్దిగా చక్కెర వేసుకుని తాగితే.. జలుబు నుంచి ఉపశమనం కలుగుతుంది.
- మిరియాలు, ధనియాలు రెండింటిని కలిపి కషాయంగా కాచుకుని తాగినా జలుబు, దగ్గు నుంచి సత్వర ఉపశమనం లభిస్తుంది.
- తేనెలో అల్లం కలుపుకుని తరచూ తాగుతుంటే జలుబు బాధలు పోతాయి.
- " class="align-text-top noRightClick twitterSection" data="">
ఇదీ చదవండి:
జుట్టు, చర్మ సౌందర్యం కోసం ఆయుర్వేద చిట్కాలు
