బరువు పెరగడానికి వివిధ కారణాలుంటాయి. మారిన జీవనశైలి కారణంగా ఊబకాయం తెచ్చుకున్నవాళ్లే ఎక్కువ. ముందు జాగ్రత్తలు పాటించకుండా నిర్లక్ష్యం చేసి.. తీరా లావయ్యాక ఎలా తగ్గాలా అని ఆలోచించేవాళ్లు అధికమయ్యారు. అలాంటివారికి వెంటనే కనిపించే పరిష్కారం డైటింగ్. ఉపవాసలతో బరువు తగ్గాలనుకోవడం మంచిది కాదని వారికి తెలియకపోవడమే అసలు కారణం. నిజానికి డైటింగ్ కాకుండా బరువు తగ్గడానికి చాలా మార్గాలున్నాయి.
డైటింగ్ చేయకుండా బరువు తగ్గాలంటే..
- బరువు తగ్గాలన్న నిర్ణయం తీసుకోగానే తినడం తగ్గించకుండా అలవాట్లలో చిన్నచిన్న మార్పులు చేసుకోవడం మేలైన మార్గం.
- ముందుగా ఆహారం తీసుకునే వ్యవధి పెంచి.. మెల్లగా తినడం మీద దృష్టి పెట్టాలి.
- ప్రతి ముద్దను ఆస్వాదిస్తూ.. మెల్లగా నమిలి తినటం వల్ల కొద్ది సేపటికే కడుపు నిండినట్లు మెదడు సంకేతాలు పంపుతుంది. దీంతో తక్కువ ఆహారం తీసుకోవచ్చు.
- తగినంత నిద్రపోవడం వల్ల కూడా బరువు తగ్గే అవకాశముంది.
- ఆహారంలో పండ్లు, కూరగాయాలను అదనంగా చేర్చడం వల్ల బరువు తగ్గుతారు.
- సూప్స్ తాగడం వల్ల తక్కువ కేలరీలతో కొలస్ట్రాల్ స్థితి మెరుగుపరుచుకోవచ్చు. అయితే ఉప్పు, క్రీమ్ వీలైనంత తక్కువ ఉండేలా జాగ్రత్త పడాలి.
- బ్రౌన్రైస్, బార్లీ, ఓట్స్ వంటివి ఆహారంగా తీసుకోవడం మేలు.
- ఫాస్ట్ఫుడ్, ఫ్రై, ఎక్కువ ఆయిల్తో వండిన ఆహారానికి దూరంగా ఉండాలి
- ఆహారంలో ప్రొటీన్స్, ఫైబర్ ఎక్కువగా ఉన్న పదార్థాలు తీసుకోవడం మంచిది.
- మాంసాహారానికి బదులు కూరగాయలు, ఆకుకూరలు తీసుకోవడం మేలు.
- పానీయాలు, ఆహార పదార్థాల్లో చక్కెర శాతం తక్కువగా ఉండేలా చూసుకోవడం మరో ఉత్తమైన మార్గం.
- టీ, కాఫీకి బదులు గ్రీన్ టీ తీసుకోవడం మంచిది. ఆల్కహాల్కు దూరంగా ఉంటే మరీ మంచిది.
- మానిసిక ప్రశాంత కూడా బరువు తగ్గడానికి సాయపడుతుంది. ఇందుకు యోగా చేయడం ఉత్తమం.
- ఆహారం తీసుకోవడంలో సమయపాలన.. అలవాటుగా వ్యాయామం చేయడం మేలు.
- " class="align-text-top noRightClick twitterSection" data="">
ఇదీ చూడండి: Weight Loss Tips: ఎన్ని ప్రయత్నాలు చేసినా.. బరువు తగ్గడం లేదా?
