మత్స్యకారులను ఆదుకోవడంలో ప్రభుత్వం అలసత్వం ప్రదర్శిస్తోందని యాదాద్రి భువనగిరి జిల్లా ఆలేరు మండలం గొలనుకొండ గంగపుత్రులు ఆరోపించారు. దానబోయిన కుంటను రైతులు ఆక్రమించడాన్ని వ్యతిరేకిస్తూ ఎంపీడీవో కార్యాలయంలో పలు వినతి పత్రాలు అందజేసినప్పటికీ... ఫలితం లేకుండా పోయిందని వాపోయారు.
కుంటల విషయంలో గ్రామస్థులకు తమకు పలుమార్లు వివాదాలు ఎదురైనప్పటికీ... అధికారులు స్పందించలేదని గంగపుత్రులు ఆవేదన వ్యక్తం చేశారు. చెరువులు, కుంటలపై పూర్తి హక్కులు తమకే కల్పించాలని మత్స్యకారులు డిమాండ్ చేశారు. ఈ కార్యక్రమంలో వంగాల సుధాకర్, వంగాల శ్రీనివాస్, రమేశ్, మధుసూదన్ బెస్త పాల్గొన్నారు.
కుంటలపై పూర్తి హక్కులు తమకే కల్పించాలి: గంగపుత్రులు
ఇదీ చదవండి: 'చైనాను చూసి మోదీ భయపడుతున్నారు'
