ఏకాదశి పర్వదినాన.. యాదాద్రీశుడికి లక్ష పుష్పార్చన...

ప్రముఖ పుణ్యక్షేత్రం యాదాద్రిలో ఏకాదశి పర్వదినాన్ని పురస్కరించుకుని లక్ష్మీనరసింహస్వామికి లక్ష పుష్పార్చన పూజలు ఘనంగా నిర్వహించారు. స్వామి అమ్మవార్ల ఉత్సవ మూర్తులకు వివిధ రకాల పుష్పాలతో అర్చకులు పూజలు చేశారు.

తెలంగాణ సుప్రసిద్ధ పుణ్యక్షేత్రం యాదాద్రి లక్ష్మీనరసింహ స్వామి ఆలయంలో నిత్యపూజలు, శాస్త్రోక్తంగా జరిగాయి. ఆదివారం ఏకాదశి పర్వదినాన్ని పురస్కరించుకుని స్వామి, అమ్మవార్ల ఉత్సవ మూర్తులకు వివిధ రకాల పుష్పాలతో లక్ష పుష్పార్చన పూజలు నిర్వహించారు.

యాదాద్రీశుడికి లక్ష పుష్పార్చన

ప్రతిమాసంలో శుద్ధ ఏకాదశి, బహుళ ఏకాదశి రోజున అమ్మవారి సమేత స్వామివారికి లక్ష పుష్పార్చన పూజలు నిర్వహించడం ఆనవాయితీగా వస్తోందని ఆలయ అర్చకులు తెలిపారు. లక్షపుష్పార్చనలో ఆలయ ఈఓ గీతారెడ్డి పాల్గొన్నారు.