కౌన్సిలర్​ సేవాదృక్పథం.. నిత్యావసరాల పంపిణీ

యాదాద్రి భువనగిరి జిల్లా భువనగిరిలోని 17వ వార్డు కౌన్సిలర్​ దాతృత్వాన్ని చాటుకున్నారు. కరోనా వ్యాప్తి నివారణను అరికట్టేందుకు అహర్నిశలు కృషి చేస్తున్న మున్సిపల్​, పారిశుద్ధ్య కార్మికులకు ఒక్కొక్కరికీ 25 కిలోల బియ్యాన్ని పంపిణీ చేశారు.

యాదాద్రి భువనగిరిజిల్లా భువనగిరి మున్సిపాలిటీ 17 వార్డు కౌన్సిలర్ చెన్న స్వాతిమహేశ్​ 180 మంది మున్సిపల్, శానిటేషన్ సిబ్బందికి ఒక్కొక్కరికీ 25 కిలోల బియ్యం పంపిణీ చేశారు. ఈ కార్యక్రమంలో జిల్లా అదనపు కలెక్టర్ ఖీమ్యా నాయక్, మున్సిపల్ ఛైర్మన్ ఆంజనేయులు పాల్గొన్నారు.

కరోనా నేపథ్యంలో పారిశుద్ధ్య కార్మికులు చాలా కష్టపడుతున్నారని వారి సేవను స్వాతిమహేశ్​ కొనియాడారు. చెన్న స్వాతిమహేశ్​ ఇలాంటి కార్యక్రమాలు మరిన్ని చేయాలని మున్సిపల్​ ఛైర్మన్​ ఆంజనేయులు ఆకాంక్షించారు.

ఇదీ చూడండి: 'కాబోయే అమ్మ'పై కరోనా వైరస్ ప్రభావం