యాదాద్రి భువనగిరిజిల్లా యాదగిరిగుట్ట, బొమ్మలరామారం, తుర్కపల్లి మండలాల్లో రాత్రి ఈదురు గాలులు, ఉరుములు, మెరుపులతో కూడిన వర్షం కురిసింది. ఐకేపీ సెంటర్లలో ధాన్యం తడిసిపోయింది. రాజాపేట, మోటకొండూరు మండలాల్లో సాధారణ వర్షం కురిసింది.
గుండ్లపల్లిలో జహంగీర్కు చెందిన రెండు పాడి గేదెలు మృతి చెందాయి. సైదాపురం గ్రామంలో తాటిచెట్టుపై పిడుగు పడింది. ఎలాంటి ప్రాణనష్టం జరగలేదు. వివిధ మండలాల్లో ఆరబోసిన ధాన్యం తడిసిపోయింది. రాత్రి కొన్ని గంటల పాటు విద్యుత్ సరఫరాకు అంతరాయం ఏర్పడింది.
కోతకు వచ్చిన వరి ధాన్యంతో పాటు మామిడి కాయలు నేలరాలాయని రైతులు వాపోయారు. ఒక్కసారిగా అకాల వర్షం సంభవించడం వల్ల రైతులకు తీవ్ర నష్టం వాటిల్లింది.
ఇదీ చూడండి: రాష్ట్రంలో మరో 6,206 కరోనా కేసులు
