యాదాద్రి అభివృద్ధి పనులను ఆర్అండ్బీ శాఖ ఈఎన్సీ గణపతిరెడ్డి, సాంకేతిక కమిటీ సభ్యులు వైటీడీఏ అధికారులతో కలిసి సోమవారం పరిశీలించారు. ప్రధానాలయం లోపల జరుగుతున్న ఎలక్ట్రికల్, ఏసీ, సెంట్రల్ లైటింగ్ పనుల పురోగతిని తెలుసుకున్నారు.
అనంతరం ఇటీవల కురిసిన భారీ వర్షానికి గర్భాలయం అద్దాల మండపంలోకి నీరు రావడం, బ్రహ్మోత్సవ మండపం వద్ద ఫ్లోరింగ్ కుంగిపోయి పగుళ్లు ఏర్పడటం వంటి అంశాలపై అధికారులతో చర్చించారు.
ఈ సందర్భంగా గర్భాలయంలోని పనులు దాదాపు పూర్తి కావస్తుండటం వల్ల ఆలయ తిరువీధుల్లో, గర్భాలయం, ముఖమండపం ప్రాంతాల్లో ఏర్పాటు చేసిన లైటింగ్ ట్రయల్రన్ను పరిశీలించారు. లైటింగ్ ఎలా ఉండాలనే అంశంపై వరంగల్కు చెందిన సంస్థ ప్రతినిధులకు పలు సూచనలు చేశారు.
ఇదీ చదవండి: భూ ఆక్రమణలకు చైనా క్యాబేజీ వ్యూహం..!
