రాష్ట్రంలోని ట్రాఫిక్ పోలీస్టేషన్ల సమస్యను ఎమ్మెల్సీ శేరి సుభాష్ రెడ్డి శాసన మండలి దృష్టికి తీసుకెళ్లారు. రాష్ట్ర శాసన మండలి వర్షాకాల సమావేశాల్లో భాగంగా క్వశ్చన్అవర్ సమయంలో హోంమంత్రి మహమూద్ అలీకి వివరించారు.
మెదక్లో ట్రాఫిక్ పోలీస్ స్టేషన్ ఏర్పాటు చేయాలని... గతంలో ఏర్పాటు చేసిన ట్రాఫిక్ సిగ్నల్ వ్యవస్థ పనిచేయడం లేదని తెలిపారు. రాష్ట్రంలోని 11 జిల్లా కేంద్రాల్లో ట్రాఫిక్ పోలీస్ స్టేషన్లు లేవని, వాటిని ఏర్పాటు చేయాలని కోరారు. ఔటర్ రింగ్రోడ్ తర్వాత ట్రాఫిక్ పోలీస్ లేకపోవడం వల్ల నిజామాబాద్- నాగపూర్ రహదారిపై ట్రాఫిక్ అదుపు తప్పుతోందని వివరించారు.
ట్రాఫిక్ రద్దీని గుర్తించి ట్రాఫిక్ పోలీసులను నియమించాలని విజ్ఞప్తి చేశారు. దీనిపై స్పందించిన హోమంత్రి... సమస్యను పరిష్కరిస్తామని... ట్రాఫిక్ పోలీసులు లేనిచోట లా అండ్ ఆర్డర్ పోలీసులతో ట్రాఫిక్ నియంత్రణ చేస్తామని బదులిచ్చారు.
ఇదీ చూడండి: గ్రేటర్‌లో అభివృద్ధి మంత్రంతో ఎన్నికలకు వ్యూహం!
