సంగం భీమలింగం వద్ద కార్తిక దీపారధనలు

కార్తిక పౌర్ణమి సందర్భంగా శివాలయాల్లో దీపారధనలు, ప్రత్యేక పూజలు జరిగాయి. యాదాద్రి జిల్లా సంగం సమీపంలోని భీమలింగం వద్ద భక్తజన సందోహంతో కిటకిటలాడింది. మూసీ నది ప్రవాహం ఉన్నా భక్తులు విగ్రహం వద్దకు చేరుకొని కార్తిక పూజలు చేశారు.

కార్తిక పౌర్ణమిని పురస్కరించుకుని యాదాద్రి భువనగిరి జిల్లా వలిగొండ మండలం సంగం సమీపంలోని భీమలింగం వద్ద భక్తులు పోటెత్తారు. విగ్రహం వద్ద మూసీ నది ప్రవహిస్తున్నప్పటికీ నీటిలో నుంచే నడిచివెళ్లారు. నదిలో పసుపు, కుంకుమ చల్లి కార్తిక దీపాలు వెలిగించి నీళ్లలో వదిలి మొక్కులు తీర్చుకున్నారు.

లింగం వద్ద ఉదయం నుంచి సాయంత్రం వరకూ భక్తుల తాకిడి ఎక్కువైంది. సంగం మూసీ వంతెన వద్ద వాహనాల రాకపోకలతో రద్దీ నెలకొంది.

ఇదీ చదవండి: ఆధ్యాత్మికం: దేవరకద్రలో దీపాల కాంతులతో శివాలయాలు