మోత్కూరు మార్కెట్​ యార్డులో రైతుల ఆందోళన

యాదాద్రి జిల్లా మోత్కూరు మార్కెట్​ యార్డులో రైతులు ఆందోళన చేశారు. కందుల ధాన్యానికి సరిపడా గోనె సంచులు ఇవ్వడం లేదని ఆవేదన చెందారు.

యాదాద్రి భువనగిరి జిల్లా మోత్కూరులో మార్కెట్ యార్డులో కందుల ధాన్యానికి సరిపడా గోనె సంచులు ఇవ్వడంలేదని రైతులు ఆరోపిస్తున్నారు. మార్క్​ఫెడ్ ఆధ్వర్యంలో కందుల కొనుగోలు కేంద్రం ఏర్పాటు చేసి 20 రోజులు గడుస్తున్నా నిర్వాహకులు సరైన ఏర్పాట్లు చేయలేదన్నారు. వరుసక్రమం తప్పి కందులు కొనుగోలు చేస్తున్నారని ఆవేదన వ్యక్తం చేశారు.

జిల్లా సీపీఎం కార్యదర్శి జహంగీర్ ఈ కొనుగోలు కేంద్రాన్ని ​ సందర్శించారు. రైతుల కష్టాలు అడిగి తెలుసుకున్నారు.

ఇవీ చూడండి: మగాడు గర్భం దాలుస్తాడట.. దేవుడు కొడుకును ప్రసాదిస్తాడట.!