యాదాద్రి శ్రీ లక్ష్మీ నరసింహస్వామి వారిని కేంద్ర ఎన్నికల సంఘం ప్రధాన కమిషనర్‌ సునీల్ అరోరా దర్శించుకున్నారు. ప్రత్యేక పూజల్లో పాల్గొన్నారు. వారికి పూర్ణకుంభంతో ఆలయ అర్చకులు ప్రత్యేక స్వాగతం పలికి.. ఆశీర్వచనం చేశారు. ఆలయ అధికారులు స్వామివారి లడ్డూ ప్రసాదం అందజేశారు. బాలాలయంలోని ప్రతిష్ఠమూర్తులను దర్శించుకుని.. సువర్ణ పుష్పార్చన పూజల్లో పాల్గొన్నారు.
దర్శనానంతరం ప్రధాన ఆలయ పునర్నిర్మాణాన్ని వీక్షించారు. క్షేత్ర మహత్యం తదితర వివరాలను అధికారులను అడిగి తెలుసుకున్నారు. వారి వెంట యాదాద్రి జిల్లా కలెక్టర్ అనితా రామచంద్రన్, శిక్షణ కలెక్టర్ గరీమా అగర్వాల్, ఆర్డీవో భూపాల్ రెడ్డి, ఆలయ అధికారులు ఉన్నారు.
ఇదీ చూడండి: సీఎం కేసీఆర్ వాదన అనుమానాస్పదంగా ఉంది: షబ్బీర్ అలీ
