'నీట మునిగిన పంటను ప్రాథమికంగా అంచనా వేశాం'

గత కొద్ది రోజులుగా కురుస్తున్న వర్షాలకు యాదాద్రి భువనగిరి జిల్లాలో రైతులు నష్టపోయిన పంటపై అధికారులు ప్రాథమిక అంచనా వేసినట్లు జిల్లా కలెక్టర్​ అనితా రామచంద్రన్​ వెల్లడించారు. మూసీ నది పరివాహక ప్రాంతాల్లో చాలా చోట్ల వరిపంట మునిగినట్లు కలెక్టర్​ వివరించారు.

యాదాద్రి భువనగిరి జిల్లావ్యాప్తంగా రెండు రోజులుగా కురుస్తున్న వర్షాలకు 25వేల ఎకరాల్లో వరి పంట, 17,600 ఎకరాల్లో పత్తి పంట, 1,250 ఎకరాల్లో కంది, ఏడు వందల ఎకరాల్లో ఇతర పంటలు నష్టపోయినట్లు ప్రాథమికంగా అంచనా వేసినట్లు జిల్లా కలెక్టర్​ అనిత రామచంద్రన్​ వెల్లడించారు. మూసి పరివాహక ప్రాంతంలో చాలా చోట్ల వరిపంట నీటమునిగింది.

జిల్లాలోని వాగులు, కాల్వలు పొంగగా పరిసర ప్రాంత రైతులు నష్టపోయారు. బీబీనగర్​ మండలం చిన్న ఏటి వాగు పొంగగా పరిసర ప్రాంత పంటపొలాలు నీట మునిగాయి. పోచంపల్లి పీఏసీఎస్​లో ధాన్యాన్ని ఆరబోసిన ఓ మహిళ, వర్షానికి పంట మొత్తం తడిచిపోయిందని కన్నీటి పర్యంతమైంది. అధికారులు ఇప్పటికైనా స్పందించి ధాన్యం కొనుగోలు కేంద్రాలను ప్రారంభించాలని రైతులు కోరుతున్నారు.

ఇదీ చదవండి: 'రాష్ట్రంలో ఫ్లోరైడ్ ప్రభావిత గ్రామాలే లేవు'