బడిలో కరోనా.. ఉలిక్కిపడ్డ యాజమాన్యం

ప్రభుత్వం, ప్రజలు ఇప్పుడిప్పుడే కోలుకుంటున్నామని అనుకుంటున్న సందర్భంలో కరోనా మహమ్మారి కలకలం రేపుతోంది. యాదాద్రి భువనగిరి జిల్లాలోని ఓ పాఠశాలలో ఒకే రోజు 12 మంది విద్యార్థులకు కొవిడ్ నిర్ధరణ కావటం పాఠశాల యాజమాన్యం, విద్యార్థుల కుటుంబసభ్యులు ఉలిక్కిపడ్డారు.

యాదాద్రి భువనగిరి జిల్లాలోని తుర్కపల్లి ప్రభుత్వ పాఠశాలలో కరోనా కేసుల సంఖ్య రోజురోజుకు పెరుగుతున్నాయి. 312 మంది విద్యార్థులకు కోవిడ్ టెస్ట్​ నిర్వహించగా... 12 మందికి పాజిటీవ్ నిర్ధారణ అయినట్లు వైద్యాధికారులు తెలిపారు.

ఈ సంఘటనతో పాఠశాల యాజమాన్యం, విద్యార్థుల కుటుంబసభ్యులు ఉలిక్కిపడ్డారు. ప్రజలు భయాందోళనకు గురి కాకుండా భౌతిక దూరం పాటిస్తూ, మాస్కులు ధరించి... శానిటైజర్ వాడుతూ పలు జాగ్రతలు పాటించాలని వైద్యాధికారి డాక్టర్ చంద్రారెడ్డి తెలిపారు.

ఇదీ చదవండి: నల్లమలలో మరోసారి చెలరేగిన మంటలు