'అండర్ పాస్ నిర్మించాల్సిందే'

జాతీయరహదారిపై ఆలేరు-జీడికల్ రహదారి వద్ద అండర్ పాస్ నిర్మించాలని అఖిలపక్ష నాయకులు రోడ్డుపై ధర్నా నిర్వహించారు.

వరంగల్- హైదరాబాద్ జాతీయ రహదారిపై ఆలేరు-జీడికల్ రహదారి వద్ద అండర్ పాస్ నిర్మించాలని అఖిలపక్ష నాయకులు రోడ్డుపై బైఠాయించారు. రెండుగంటల పాటు ధర్నా నిర్వహించారు. దీంతో రహదారిపై భారీగా ట్రాఫిక్ జామైంది.

ఎల్ అండ్ టీ అధికారులు లిఖితపూర్వకంగా హామీ ఇస్తేనే ధర్నా విరమిస్తామని తెలపడంతో పోలీసులు సర్దిచెప్పే ప్రయత్నం చేశారు. వినకపోవడంతో ఆందోళనకారులను అరెస్ట్ చేసి పోలీస్ స్టేషన్​కు తరలించారు.