Brutal Behavior of A teacher: యాదాద్రి భువనగిరి జిల్లా యాదగిరిగుట్ట మండలం పెద్దకందుకూరులో ఓ అంగన్వాడీ టీచర్ పైశాచికంగా ప్రవర్తించింది. ఎంత సముదాయించినా ఏడుపు ఆపడం లేదని ఐదేళ్ల చిన్నారిపై కర్కశత్వం ప్రదర్శించింది. అభిజ్ఞ అనే చిన్నారి.. గుక్కపెట్టి ఏడ్చింది. చాలాసేపటి వరకు ఏడుపు ఆపలేదు. ఎంత సముదాయించినా.. ఆ పాప ఏడుపు మానట్లేదని అంగన్వాడీ టీచర్ ఆగ్రహానికి గురైంది. ఆ కోపంలో.. చిన్నారికి గరిటెతో వాతలు పెట్టింది. అభిజ్ఞ.. బుగ్గలు, చేతులు, కాళ్లపై వాతలు పెట్టడంతో నొప్పి తట్టుకోలేక చిన్నారి బిగ్గరగా ఏడవడం మొదలుపెట్టింది.
తమ కూతురికి అంగన్వాడీ టీచర్ వాతలు పెట్టిందని తెలుసుకున్న అభిజ్ఞ తల్లిదండ్రులు వెంటనే ఆ కేంద్రానికి పరుగులు తీశారు. ఎర్రగా కందిపోయి ఉన్న తమ కుమార్తెను చూసి కన్నీళ్లు పెట్టుకున్నారు. పసిపాపపై పైశాచికత్వం చూపిన ఆ అంగన్వాడీ టీచర్పై ఆగ్రహం వ్యక్తం చేశారు. ఆమెపై యాదగిరిగుట్ట పోలీస్ స్టేషన్లో ఫిర్యాదు చేశారు. టీచర్పై కఠిన చర్యలు తీసుకోవాలని డిమాండ్ చేశారు.
