యాదాద్రి భువనగిరి జిల్లా బస్వాపూర్ రిజర్వాయర్ నిర్మాణంలో.. ముంపునకు గురవుతున్న బి.ఎన్. తిమ్మాపూర్ గ్రామస్థులు ఆందోళన చేశారు. రిజర్వాయర్ వద్ద జరిగిన ఈ నిరసనలో భూములు, ఇళ్లు కోల్పోతున్న బాధితులు తమకు పరిహారం చెల్లించాలని డిమాండ్ చేశారు.
ఇటీవల తనకు న్యాయం చేయాల్సిందిగా నిర్వాసితుడు సతీశ్ పెట్రోల్ పోసుకొని ఆత్మహత్యాయత్నానికి పాల్పడినా.. ఇంతవరకు ఏ అధికారి కూడా స్పందించలేదని వారు ఆవేదన వ్యక్తం చేశారు. తమకు న్యాయం చేయకపోతే నిర్మాణ పనులను అడ్డుకుంటామని హెచ్చరించారు. ఘటనా స్థలానికి చేరుకున్న పోలీసులు నిరసనకారులను అరెస్ట్ చేసి స్టేషన్కు తరలించారు
ఇదీ చదవండి: పార్లమెంట్ అత్యవసర భేటీకి విపక్షాల డిమాండ్
