యాదాద్రీశుని ఆలయంలో ఆర్జిత సేవలు పునఃప్రారంభం

యాదాద్రి శ్రీ లక్ష్మీ నరసింహ స్వామి ఆలయంలో ఆర్జిత సేవలు పున:ప్రారంభమయ్యాయి. స్వామివారిని దర్శించుకునేందుకు వివిధ ప్రాంతాల నుంచి భక్తులు పెద్ద సంఖ్యలో తరలి వచ్చారు.

ప్రసిద్ధ పుణ్యక్షేత్రం యాదాద్రి లక్ష్మీనరసింహస్వామి ఆలయంలో ఆర్జిత సేవలు పున:ప్రారంభమయ్యాయి. ఆలయంలో ఉద్యోగులు, సిబ్బంది, అర్చకులకు కరోనా సోకడం వల్ల ఏడు రోజుల పాటు తాత్కాలికంగా స్వామివారి ఆర్జిత సేవలు నిలిపివేశారు. ఇవాళ ఉదయం సుప్రభాత సేవతో స్వామి వారి నిత్య, శాశ్వత కల్యాణాలు, సుదర్శన నారసింహ హోమాలు, అష్టోత్తర పూజలు అభిషేకాలు, అర్చనలు, సువర్ణ పుష్పార్చనలు ప్రారంభమయ్యాయి. భక్తులు పెద్ద సంఖ్యలో పూజల్లో పాల్గొన్నారు.

ప్రత్యేక చర్యలు

కొవిడ్​ వ్యాప్తి కారణంగా కరోనా నిబంధనలు పాటిస్తూ దర్శనం చేసుకునేలా చర్యలు తీసుకున్నారు. ఆలయాన్ని ఎప్పటికప్పుడు శానిటైజ్‌ చేస్తున్నామని అధికారులు తెలిపారు. భక్తులందరూ కొవిడ్‌ నిబంధనలుపాటించాలని సూచిస్తున్నారు.

ఇదీ చూడండి: యాదాద్రిపై కరోనా ప్రభావం.. భారీగా తగ్గిన ఆదాయం