వరంగల్ ఎంజీఎం ఆసుపత్రి ఆవరణలో అమానవీయ ఘటన చోటు చేసుకుంది. కరోనా సోకిందనే భయంతో... ఆసుపత్రి ఆవరణలోని క్యాజువాలిటీ ముందు మృతదేహాన్ని వర్షంలోనే వదిలేశారు. సుమారు రెండు గంటల సేపు క్యాజువాలిటీ ముందే ఉండిపోయింది.
హన్మకొండకు చెందిన ఓ మహిళ శ్వాస సంబంధిత సమస్యతో ఎంజీఎంకు వచ్చింది. చికిత్స అందించే లోపే.. కన్నుమూసింది. కరోనా లక్షణాలు ఉన్నాయన్న అనుమానంతో ఆ మహిళ కుటుంబసభ్యులు మృతదేహాన్ని ఇంటికి తీసుకువెళ్లకుండా... క్యాజువాలిటీ ముందు వర్షంలోనే వదిలేశారు. ఆ మృతదేహాన్ని ఆసుపత్రి సిబ్బంది సైతం పట్టించుకోలేదు. వర్షం తగ్గిన తర్వాత సిబ్బంది ఎంజీఎం మార్చురీకి తరలించారు.
ఇవీ చూడండి: తెలంగాణలో మరో ఎమ్మెల్యేకు కరోనా... కుటుంబ సభ్యులందరికీ పాజిటివ్
