టికెట్​ ఇవ్వాలంటూ ఎమ్మెల్యే ఇంటి ముందు ధర్నా

మహానగర పాలక సంస్థ ఎన్నికల్లో తమకు టికెట్ ఇవ్వాలని తెరాసకు చెందిన ఆశావహులు... వరంగల్ తూర్పు ఎమ్మెల్యే నరేందర్ ఇంటి ముందు మంగళవారం ధర్నాకు దిగారు. మరోవైపు ఓ మాజీ కార్పొరేటర్​పై అవినీతి ఆరోపణలు ఉన్నందున ఆయనకు అవకాశం ఇవ్వొద్దంటూ కాలనీ వాసులు ఆందోళన చేపట్టారు.​

వరంగల్ మహానగర పాలక సంస్థ ఎన్నికల్లో తెరాస నుంచి టికెట్లు ఆశించిన వారికి... ఎలాంటి హామీ ఇవ్వకపోవడంతో వారంతా వరంగల్ తూర్పు ఎమ్మెల్యే ఇంటి ఎదుట ఆశావాదులు మంగళవారం ధర్నాకు దిగారు. మైనార్టీ నాయకుడు మసూద్​కు కార్పొరేటర్​గా అవకాశం ఇవ్వాలంటూ ఆయన వర్గానికి చెందినవారు డిమాండ్​ చేశారు.

మరోవైపు 18వ డివిజన్ మాజీ కార్పొరేటర్​ అనేక అవినీతి ఆరోపణలు ఎదుర్కొంటున్నారని... ఆయనకు టికెట్ ఇవ్వొద్దంటూ స్థానికులు ధర్నా నిర్వహించారు. అయినప్పటికీ ఎమ్మెల్యే టికెట్ ఇచ్చేందుకు సానుకూలంగా ఉండడాన్ని నిరసిస్తూ ఆయన ఇంటి ముందు ఆందోళన చేశారు.

ఇదీ చదవండి: ప్రైవేట్ ఉపాధ్యాయులు, సిబ్బందికి నేటి నుంచి బియ్యం పంపిణీ