'కళ్ల ముందే మా వాళ్లు గల్లంతై పోయారు'

'కళ్లుమూసి తెరిచేలోపే నా అనుకున్నవాళ్లంతా  గోదావరిలో మునిగిపోతుంటే ఏం చేయాలో పాలుపోని పరిస్థితి. అసలు మేం కూడా బతుకుతామనుకోలేదు. లైఫ్​ జాకెట్లు ధరించి ఉంటే వాళ్లు మాకు దక్కేవారు'.. ఇదీ ప్రమాదంలో సురక్షితంగా బయటపడ్డ కడిపికొండ వాసుల ఆవేదన.

వరంగల్​ అర్బన్​ జిల్లా కాజీపేట మండలం కడిపికొండ గ్రామం నుంచి పాపికొండల విహారయాత్రకు వెళ్లిన 14 మందిలో ఐదుగురు సురక్షితంగా బయటపడ్డారు. హన్మకొండలోని మ్యాక్స్​ కేర్​ ఆస్పత్రిలో చికిత్స పొందుతున్నారు. రెప్పపాటులో జరిగిన ప్రమాదంలో తమ ఆత్మీయుల్ని కోల్పోయామని ఆవేదన వ్యక్తం చేశారు. లైఫ్​ జాకెట్లు ధరించి ఉంటే కొంత మంది బయటపడేవారన్నారు. ప్రమాదం అని తెలిసినా... బోటు నిర్వాహకులు అజాగ్రత్తగా ఉండటం వల్లే ఈ ఘోరం జరిగిందని వాపోయారు.

ఇదీ చూడండి : తెలంగాణ భవన్​లో జాతీయజెండాను ఆవిష్కరించిన కేటీఆర్​