'గాలికుంటు వ్యాధి సోకకుండా పశువులకు టీకాలు వేయించాలి'

వరంగల్​ అర్బన్​ జిల్లా వడ్డేపల్లిలోని ప్రభుత్వ ఆసుపత్రిలో ఉచిత గాలికుంటు వ్యాధి నిరోధక టీకాల కార్యక్రమం నిర్వహించారు. ప్రభుత్వ చీఫ్​ విప్​ దాస్యం వినయ్​ భాస్కర్​ ముఖ్య అతిథిగా హాజరై.. పశువులకు టీకాలు వేశారు.

పశువులలో గాలికుంటు వ్యాధి నివారణకై విస్తృత టీకాల కార్యక్రమాన్ని రాష్ట్ర వ్యాప్తంగా ఉచితంగా నిర్వహిస్తున్నామని ప్రభుత్వ చీఫ్​ విప్ దాస్యం వినయ్ భాస్కర్ పేర్కొన్నారు. వరంగల్​ అర్బన్​ జిల్లా వడ్డేపల్లిలోని ప్రభుత్వ పశువుల ఆసుపత్రిలో నిర్వహించిన ఉచిత గాలికుంటు వ్యాధి నిరోధక టీకాల కార్యక్రమంలో ఆయన పాల్గొన్నారు. పశువులకు టీకాలు వేసి కార్యక్రమాన్ని ప్రారంభించారు.

పశువులకు గాలికుంటు వ్యాధి సోకకుండా.. ముందు జాగ్రత్తగా టీకాలు వేయించాలని వినయ్​భాస్కర్ సూచించారు. పశువుల్లో వాతావరణాన్ని బట్టి వ్యాధులు వస్తాయని.. వ్యాధి బారిన పడకుండా పశువులను కాపాడుకోవాలని తెలిపారు.

రాష్ట్ర వ్యాప్తంగా ఈనెల 1 నుంచి మార్చి 1 వరకు ఉచితంగా గాలికుంటు వ్యాధి నివారణకై టీకాల కార్యక్రమం నిర్వహిస్తున్నామని.. రైతులు ఈ అవకాశాన్ని సద్వినియోగం చేసుకోవాలన్నారు.

ఇదీ చూడండి : మేడారం జాతరకు వెళ్లొచ్చేలోపు ఇళ్లు గుల్ల