లాక్డౌన్ నేపథ్యంలో గుట్టు చప్పుడు కాకుండా అసాంఘిక కార్యక్రమాలకు పాల్పడుతున్న వారిపై వరంగల్ పోలీసులు కొరడా ఝులపిస్తున్నారు. పోలీసులు బందోబస్తులో బిజీగా ఉంటే... కొందరు అక్రమార్కులు కూరగాయల మధ్యలో అంబర్ ప్యాకెట్లను పెట్టి తరలిస్తున్నారు.
వరంగల్ అర్బన్ జిల్లా హసన్పర్తి సమీపంలో 2 ట్రాలీ ఆటోలు వస్తుండగా... అనుమానం వచ్చి పోలీసులు తనిఖీలు చేశారు. అందులో నిషేధిత అంబర్ ప్యాకెట్లు ఉండగా... పోలీసులు ఇంకా లోతుగా విచారణ చేపట్టి ఆరుగురిని అరెస్ట్ చేశారు. నిందితుల నుంచి 35 వేలు విలువ చేసే అంబర్ ప్యాకెట్లు, 2 ట్రాలీ ఆటోలు, గుట్కాలను కొనుగోలు చేసేందుకు తీసుకెళుతున్న 5 లక్షల నగదును స్వాధీనం చేసుకున్నారు. కేసు నమోదు చేసుకొని దర్యాప్తు చేస్తున్నారు.
ఇవీ చూడండి: హైదరాబాద్లో ఒక్క రోజులోనే 20 కేసులు
