'16 సీట్లతో కేసీఆర్​ దిల్లీని శాసిస్తారు'

లోక్​సభ ఎన్నికల నామినేషన్​ చివరి రోజు కావటం వల్ల నామపత్రాల దాఖలు ప్రక్రియ ఊపందుకుంది. వరంగల్​లో తెరాస అభ్యర్థి పసునూరి దయాకర్ నామినేషన్ కార్యక్రమంలో మంత్రి ఎర్రబెల్లి పాల్గొన్నారు. 5 లక్షల మెజార్టీతో గెలిపించాలని ప్రజలకు విజ్ఞప్తి చేశారు.

లోక్​సభ ఎన్నికల్లో వరంగల్ స్థానంలో తెరాసను అధిక మెజార్టీతో గెలిపించాలని తెరాస నేత, పంచాయతీ శాఖ మంత్రి ఎర్రబెల్లి దయాకర్​ రావు ప్రజలను కోరారు. వరంగల్​ లోక్​సభ అభ్యర్థి పసునూరి దయాకర్​ నామినేషన్​ కార్యక్రమంలో పాల్గొన్న ఆయన ఈ ఎన్నికలు ఏకపక్షంగానే జరుగుతాయన్నారు. రెండు లోక్​సభ సీట్లతోనే కేసీఆర్​ తెలంగాణ సాధించారని గుర్తు చేశారు. 16 స్థానాల్లో విజయం సాధించి సీఎం దిల్లీని శాసిస్తారని ధీమా వ్యక్తం చేశారు.

ఇదీ చూడండి :నిజామాబాద్​ కలెక్టరేట్​ వద్ద బారులు తీరిన రైతులు