న్యాయం చేయాలంటూ వేడుకున్న వృద్ధ దంపతులు

వృద్ధ దంపతులు తమ భూమిని రెవిన్యూ రికార్డుల్లో చేర్చాలని ఎన్నో ఏళ్లుగా ఆఫీసుల చుట్టూ తిరుగుతున్నారు. కానీ పట్టించుకోవడం లేదు. ఆవేదన చెందిన ఆ దంపతులు వరంగల్ గ్రామీణ జిల్లా కలెక్టర్​కు ఫిర్యాదు చేశారు. తమకు న్యాయం చేయాలంటూ విన్నవించారు.

వరంగల్ పట్టణ జిల్లా కొత్తవాడకు చెందిన గాదం కట్టయ్య, ఓదమ్మ వృద్ధ దంపతులకు ఎకరం భూమి వరంగల్ గ్రామీణ జిల్లా చేన్నరావుపేటలో ఉంది. తమ భూమి రెవెన్యూ రికార్డుల్లో చేర్చాలని గత కొన్నెళ్లుగా తిరుగుతున్నా ఫలితం లేదని వాపోయారు.

ఈ తరుణంలో తమకు న్యాయం చేయాలని కలెక్టర్​కు ఫిర్యాదు చేసినట్లు బాధితులు తెలిపారు. కబ్జాదారులకు ప్రత్యక్షంగా, పరోక్షంగా ఎమ్మార్వో సహకారాలు అందిస్తున్నట్లు వృద్ధ దంపతులు ఆరోపించారు. కబ్జాదారుల నుంచి తమ భూమిని ఇప్పించాలంటూ కలెక్టర్​ను వేడుకున్నారు.

ఇదీ చూడండి : ఖైరతాబాద్​లో ఈసారి 27 అడుగుల 'ధన్వంతరి' విగ్రహం