'ప్రియుడి కోసం టవరెక్కింది'

ఎవరెస్టు ఎంతెత్తైనా ఎక్కేయమంటే ఎక్కేస్తానే  నీకోసం అన్నాడో రచయిత. కానీ ప్రేమించిన వాడిని పెళ్లి చేసుకునేందుకు ఏకంగా సెల్​ టవర్ ఎక్కేసిందో యువతి. ఇదెక్కడో అనుకుంటున్నారా... వరంగల్ అర్బన్ జిల్లాలోని పెగడపల్లిలో.

హసన్ పర్తి మండలం పెగడపల్లి గ్రామానికి చెందిన మోశా అలియాస్ బాబు అదే గ్రామానికి చెందిన మాలికతో గత నాలుగేళ్లుగా ప్రేమాయణం నడుపుతున్నాడు. అయితే కొన్ని రోజులగా మాలిక పెళ్లి చేసుకుందామని అడగడంతో ముఖం చాటేశాడు. న్యాయం చేయాలని కోరుతూ షీ టీంను ఆశ్రయించింది. అక్కడ తనకు న్యాయం జరగడం లేదని.. నిన్న రాత్రి ఏకంగా గ్రామంలోని సెల్ టవర్ ఎక్కింది. రాత్రి నుంచి అక్కడే కూర్చొని తమ ప్రేమ కోసం పోరాటం చేస్తోంది. అన్ని విధాలుగా వాడుకొని ఇప్పుడు వేరే అమ్మాయితో పెళ్లి సంబంధం ఖాయం చేసుకున్నాడని ఆరోపించింది.

అబ్బాయి హామీ ఇస్తేనే..

అబ్బాయి వచ్చి పెళ్లి చేసుకుంటానని మాటిస్తేనే కిందికి దిగుతానని భీష్మించుకు కూర్చుంది. పోలీసులు, బంధువులు ఎంతగా బతిమాలినా కిందకి దిగడం లేదు.

ఇవీ చదవండి:మృత్యువుతో పోరాడి..!