వరంగల్ రూరల్ జిల్లా ఐనవోలు శ్రీమల్లికార్జున స్వామివారిని పంచాయతీరాజ్శాఖ మంత్రి ఎర్రబెల్లి దయాకర్రావు దర్శించుకున్నారు. మహాశివరాత్రి సందర్భంగా ప్రత్యేక పూజలు చేశారు. ఆలయ అర్చకుల వేదమంత్రోతచ్ఛరణల మధ్య ఆశీర్వచనాలు అందుకున్నారు. పూర్ణకుంభంతో మంత్రికి స్వాగతం పలికారు. శివపార్వతుల ఆశీర్వచనాలతో ప్రజలంతా సుఖ సంతోషాలతో ఉండాలని మంత్రి ఆకాంక్షించారు.
సీఎం కేసీఆర్ పాలనలో ప్రజలు అభివృద్ధి చెందుతున్నారని అన్నారు. ప్రజల భాగస్వామ్యంతో ప్రజా సంక్షేమ, అభివృద్ధి పథకాలు విజయవంతం అవుతున్నాయని మంత్రి ఎర్రబెల్లి పేర్కొన్నారు. దేవాలయాల జీర్ణోద్ధరణ, ధూపదీప నైవేద్యాలు, అర్చకులకు జీతభత్యాల పెంపు, అర్చకుల వయో పరిమితి పెంపు, యాదాద్రి అభివృద్ధి పనులతో దేవాలయాలకు పూర్వ వైభవం తెస్తున్నారని మంత్రి చెప్పారు. ఐనవోలు వచ్చిన భక్తుల అన్ని సౌకర్యాలు కల్పించాలని ఆలయ నిర్వాహకులను మంత్రి ఆదేశించారు.
