వరంగల్ గ్రామీణ జిల్లాలో కొంతమంది అనాలోచిత చర్యల వల్ల అగ్నిప్రమాదాలు చోటు చేసుకుంటున్నాయి. కొత్తగా కోసిన వరి పొలాల్లో గడ్డిని తగల బెట్టె క్రమంలో చుట్టుపక్కల పొలాలు గడ్డి వాములు, వృక్షాలు అగ్నికి ఆహుతి అవుతున్నాయి. దాంతో పరిసర గ్రామాల ప్రజలు పోలీసులు, ఫైర్ అధికారులకు తెలుపుతున్నారు.
తాజాగా వర్ధన్నపేట, రాయపర్తి మండలాల పరిధిలో ఈ తంతు మొదలైంది. బుధవారం అర్ధరాత్రి వర్ధన్నపేట పట్టణ పరిధిలోని నీలగిరి స్వామి తండా సమీపంలో మంటలు ఎగసి పడుతూ అగ్ని కీలలు వ్యాపించాయి. వరి కోశాక పొలాల్లోని గడ్డిని కాల్చకూడదని పలుమార్లు వ్యవసాయ, పోలీసు అధికారులు చెప్పినా… పలువురు రైతులు మాత్రం వినడం లేదు.
ఇదీ చూడండి: గుట్టల్లో మూడు మృతదేహాలు... ఒకే కుటుంబానికి చెందినవారిగా గుర్తింపు
