చాలా మంది దాహం వేసినప్పుడు నీటి కోసం వెతుకుతూ ఉంటారు. ఆ క్రమంలో ఎదైనా నీరు ఉన్న బాటిల్ కనిపించగానే మూత తీసేసి దాహాన్ని తీర్చుకుంటారు. కానీ కొన్ని సమయాల్లో అందులో తాగే నీరు కాకుండా ఏమైనా హానికారక ద్రవాలు ఉండవచ్చు. ఇలాగే ఓ వ్యక్తి దాహంగా ఉందని.. మంచినీళ్లనుకొని పొరపాటున యాసిడ్ తాగాడు. ఈ ఘటన వరంగల్ రూరల్ జిల్లాలో చోటుచేసుకుంది.
ఇందుకు సంబంధించిన వివరాలు ఈవిధంగా ఉన్నాయి. వర్ధన్నపేట పట్టణంలోని వంశరాజ్ కాలనీకి చెందిన సాయిలు పాత సీసాలు సేకరించి వాటిని అమ్మగా వచ్చిన డబ్బుతో జీవనం సాగిస్తున్నాడు. ఈ క్రమంలో పాత బాటిల్స్ సేకరిస్తూ ఉండగా ఓ సీసా అతని కంటపడింది. అందులో ఉన్న నీటిని చూసి.. మంచినీళ్లు అనుకొని తాగాడు. కానీ అందులో ఉన్నది యాసిడ్ కావడంతో తీవ్ర అస్వస్థత గురయ్యాడు. దీంతో బాధితుడిని వర్ధన్నపేట ప్రభుత్వ ఆసుపత్రికి తరలించి ప్రాథమిక చికిత్స అందించారు. అనంతరం వరంగల్లోని ఎంజీఎం ఆసుపత్రికి తరలించారు.
ఇవీ చదవండి: మంత్రి సబిత, విద్యాశాఖ అధికారులకు రాజ్‌భవన్ అపాయింట్‌మెంట్
క్రికెటర్ భార్యకు భాజపా టికెట్.. మోర్బీ బాధితుల్ని కాపాడిన వ్యక్తికి ఛాన్స్
