'వనపర్తికి గుర్తింపు తెస్తా'

వనపర్తి వేరుశనగ పంటకు అంతర్జాతీయ స్థాయిలో గుర్తింపు తీసుకు వచ్చేలా కృషి చేస్తానని రాష్ట్ర వ్యవసాయ శాఖ మంత్రి నిరంజన్ రెడ్డి తెలిపారు. జిల్లాలో వేరుసెనగ పరిశోధన కేంద్రాన్ని ఏర్పాటు చేసేందుకు సన్నాహాలు జరుగుతున్నాయని పేర్కొన్నారు.

వనపర్తి జిల్లాలో రాష్ట్ర వ్యవసాయ,మార్కెటింగ్ శాఖామాత్యులు నిరంజన్ రెడ్డి పర్యటించారు. ఈ సందర్భంగా పలు అభివృద్ధి పనులకు నాంది పలికారు. పెద్దమందడి మండలం వెల్టూరు గ్రామంలో రూ. 1.60 కోట్లతో నిర్మించనున్న ప్రాథమిక ఆరోగ్య కేంద్రానికి శంకుస్థాపన చేశారు. అనంతరం గ్రామంలోని వడ్డెర సామూహిక భవనాలను ప్రారంభించారు. మండలంలో చేపట్టే రిజర్వాయర్ల ద్వారా లక్ష ఎకరాలకు పైగా నీటిని అందిస్తామని హామీ ఇచ్చారు.

అంతర్జాతీయంగా పేరు తెస్తా

ఆ తరువాత వ్యవసాయ మార్కెట్ యార్డ్​ను పరిశీలించారు. గజ్వేల్, సిద్దిపేటమార్కెట్ యార్డులను తలపించే విధంగా ఆధునికీకరిస్తామని మంత్రి హామీ ఇచ్చారు. జిల్లాలో వేరుసెనగ పరిశోధన కేంద్రం ఏర్పాటుకు జరుగుతున్న సన్నాహాలను వివరించారు.

గంజి హనుమాన్ టెంపుల్​లో ప్రత్యేక పూజలు చేసిన అనంతరం మార్కెట్​ యార్డు​లో హమాలి సంఘం ఏర్పాటు చేసిన సమావేశంలో పాల్గొన్నారు. ఈ సందర్భంగా కార్మిక సంఘం నేతలు మంత్రిని సన్మానించారు.

ఇవీ చూడండి:నారాయణపేట తొలి కలెక్టర్