వ్యవసాయ మంత్రికి చేదు అనుభవం... శంకుస్థాపన అడ్డగింత

వనపర్తి జిల్లా మారమ్మకుంటలో వ్యవసాయ మంత్రి నిరంజన్​రెడ్డికి చేదు అనుభవం ఎదురైంది. డబుల్​బెడ్​ రూం ఇళ్ల నిర్మాణానికి శంకుస్థాపన చేయడానికి వచ్చిన ఆయన్ను స్థానికులు అడ్డుకున్నారు.

వనపర్తి జిల్లా మారమ్మకుంట సమీపంలో గల ప్రభుత్వ భూమిలో డబుల్​బెడ్​రూం ఇళ్ల నిర్మాణాలకు వ్యవసాయ మంత్రి నిరంజన్​రెడ్డి శంకు స్థాపన చేస్తుండగా... అక్కడి స్థానికులు అడ్డుకున్నారు. ఇక్కడ ఇళ్ల నిర్మాణం చేపడితే నిరుపేద ఎస్సీ, ఎస్టీలకు అన్యాయం జరుగుతుందని వాపోయారు. దీన్నీ ఎస్సీ కమ్యూనిటీ హాలు, అంబేడ్కర్​ భవనాలు, పార్కుల ఏర్పాటుకు కేటాయించాలని డిమాండ్​ చేశారు. ఎస్సీ, ఎస్టీల ధర్నాతో మంత్రి అక్కడి నుంచి వెళ్లిపోయారు.

ఇదీ చూడండి : రూ.100 కోట్లతో మోడల్ మార్కెట్.. త్వరలో ఉత్తర్వులు