చికాగోలో వికారాబాద్​కు చెందిన వైద్యుడు మృతి

అమెరికాలోని చికాగోలో జరిగిన రోడ్డు ప్రమాదంలో వికారాబాద్​ వాసి మృతి చెందాడు. కుమారుడి మరణ వార్తతో తల్లిదండ్రులు చికాగో పయనమయ్యారు.

అమెరికాలోని చికాగోలో జరిగిన రోడ్డు ప్రమాదంలో వికారాబాద్​కు చెందిన దంత వైద్యుడు అర్షద్ మహ్మద్ శుక్రవారం మృతి చెందాడు. వికారాబాద్​కు చెందిన మహ్మద్ ఆజం, మైమునాబేగంలు విశ్రాంత ఉద్యోగులు. వీరి మూడో కుమారుడు అర్షద్ వికారాబాద్​లోనే బీడీఎస్ పూర్తి చేశాడు. 2014లో అమెరికా వెళ్ళి ఇల్లినాయిస్ విశ్వవిద్యాలయంలో డీఎండీ పూర్తి చేశాడు. అమెరికన్ ఇనిస్టిట్యూట్ ఆఫ్ ఆర్థోడెంటిస్ట్ అవార్డు, అలెన్ సి.పీటర్​సన్ స్కాలర్ షిప్ పొందారు. అక్కడే దంత వైద్యునిగా స్థిరపడ్డారు. కుమారుని మరణ వార్త విని తల్లిదండ్రులు చికాగోకు పయనమయ్యారు.

ఇవీ చూడండి:'వికారాబాద్​లో రన్​ ఫర్​ ఓట్​ కార్యక్రమం'