'ఈసారి కేంద్రంలో అధికారం సంకీర్ణ ప్రభుత్వానిదే'

కేంద్రంలో అధికారంలో ఉన్న పార్టీ రాష్ట్రంలోనూ అధికారంలో ఉన్నప్పుడే ఆ రాష్ట్రానికి కావాల్సిన నిధులు సమకూరే సంప్రదాయం అమల్లో ఉందని చేవెళ్ల తెరాస అభ్యర్థి రంజిత్​ రెడ్డి అన్నారు. కేంద్రంలో వచ్చేది సంకీర్ణ ప్రభుత్వమేనని ధీమా వ్యక్తం చేశారు.

ఎన్ని ప్రణాళికలు వేసినా.. ఎన్ని వ్యూహాలు రచించినా.. భాజపాకు 140 , కాంగ్రెస్​కు 70 కంటే ఎక్కువ సీట్లు రావని చేవెళ్ల తెరాస అభ్యర్థి రంజిత్​ రెడ్డి అన్నారు. వికారాబాద్​ జిల్లాలో నియోజకవర్గ కార్యకర్తల సమావేశంలో పాల్గొన్నారు. ఈసారి కేంద్రంలో సంకీర్ణ ప్రభుత్వానిదే అధికారమని ధీమా వ్యక్తం చేశారు.

సభలో గందరగోళం:

తనను ఎంపీగా గెలిపిస్తే.. అనంతగిరిని పర్యాటక కేంద్రంగా అభివృద్ధి చేస్తానని రంజిత్​ రెడ్డి హామీ ఇచ్చారు. పాలమూరు రంగారెడ్డి ఎత్తిపోతల పథకాన్ని పూర్తి చేస్తామని మాటిచ్చారు. రంజిత్​ రెడ్డి సమావేశానికి వచ్చే విషయం తమకు చెప్పలేదని మోమిన్​పేట మండలం ఎన్కతల గ్రామ కార్యకర్తలు గొడవకు దిగారు. కార్యకర్తలకు, నేతలకు మధ్య వాగ్వాదం జరిగి సభలో కాసేపు గందరగోళం నెలకొంది.

ఇవీ చూడండి: అఖండ మెజార్టీ ఇవ్వండి: కల్వకుంట్ల కవిత విజ్ఞప్తి