వికారాబాద్ జిల్లా పరిగి మండలం రాపోల్ గ్రామంలో బ్రిడ్జి నిర్మించాలని డిమాండ్ చేస్తూ షాద్నగర్-పరిగి ప్రధాన రహదారిపై గ్రామస్థులు బైఠాయించారు. పొలాలకు వెళ్లాల్సిన రోడ్డు సరిగా లేదని... ఏ కాలంలోనైనా బురదగా ఉంటుందని ఆవేదన వ్యక్తం చేశారు. రోడ్డు సరిగా లేనందున 8 కి.మీ అదనంగా వెళ్లాల్సి వస్తోందని వాపోయారు. అధికారులు స్పందించి ఆ దారిలో బ్రిడ్జి నిర్మించాలని కోరారు.
బ్రిడ్జి విషయాన్ని ఎమ్మెల్యే దృష్టికి తీసుకెళ్లినా పట్టించుకోలేదని ఆవేదన వ్యక్తం చేశారు. అధికారులు ఎవరూ స్పందించలేదని వాపోయారు. పోలీసులు సంఘటనా స్థలికి వచ్చి... ఆందోళనాకారులను అరెస్ట్ చేశారు.
ఇదీ చదవండి: మేక మాంసం మరింత ప్రియం.. కిలో రూ. 750
