జిల్లాలో రైతులకు నియంత్రిత సాగుపై ఎమ్మెల్యే అవగాహన.

వికారాబాద్​ జిల్లా పెద్దేముల్, యాలాల, తాండూరు మండలాల్లోని పలు గ్రామాల్లో ఎమ్మెల్యే రోహిత్​రెడ్డి పర్యటించారు. ముఖ్యమంత్రి కేసీఆర్​ నూతనంగా రూపొందించిన నియంత్రిత సాగు విధానంపై రైతులకు అవగాహన కల్పించారు.

నియంత్రిత సాగు విధానంతో రైతులకు అధిక లాభాలుంటాయని తాండూరు ఎమ్మెల్యే రోహిత్​రెడ్డి తెలిపారు. వికారాబాద్​ జిల్లా పెద్దేముల్, యాలాల, తాండూరు మండలాల్లోని పలు గ్రామాల్లో ఆయన పర్యటించారు. నియంత్రిత సాగుపై రైతులకు అవగాహన కల్పించారు. లాభసాటి వ్యవసాయంతో రైతును రాజుగా చూడాలనేదే ముఖ్యమంత్రి కేసీఆర్​ లక్ష్యమని ఆయన పేర్కొన్నారు.

నూతన సాగు విధానాన్ని అవలంబిస్తూ మార్కెట్లో డిమాండ్​ ఉన్న పంటలను పండించాలని ఎమ్మెల్యే సూచించారు. రానున్న వర్షాకాలం నుంచే కార్యచరణ అమలు చేయడానికి చర్యలు తీసుకుంటున్నామన్నారు. పాలమూరు రంగారెడ్డి ఫేస్​ 2 ద్వారా తాండూరుకు సాగునీరు, నియోజకవర్గంలోని ప్రతి ఎకరా సాగులోకి రావాలని ఎమ్మెల్యే ఆకాంక్షించారు.