ఏసీబీ వలలో ఆర్​డబ్ల్యూఎస్ డీఈ

వికారాబాద్ జిల్లా తాండూర్ ఆర్​డబ్ల్యూఎస్ కార్యాలయంపై ఏసీబీ అధికారులు మంగళవారం దాడులు చేశారు. గుత్తేదారు నుంచి లంచం తీసుకున్న డీఈని పట్టుకున్నారు.

తాండూర్​లో ఆర్​డబ్ల్యూఎస్ విభాగంలో గురువయ్య అనే గుత్తేదారుకు 22లక్షల బిల్లులు రావాల్సి ఉంది. వీటిని మంజూరు చేసేందుకు డీఈ శ్రీనివాస్ 30వేలు లంచం డిమాండ్ చేశాడు. డబ్బులిస్తేనే పనవుతుందని తేల్చిచెప్పాడు. లంచం ఇవ్వడం ఇష్టం లేదని గురువయ్య.. ఏసీబీని ఆశ్రయించారు. వారి సూచన మేరకు డీఈ అడిగిన డబ్బులు ఇవ్వడానికి గుత్తేదారు అంగీకరించాడు. డబ్బులను వర్క్ ఇన్​స్పెక్టర్ మహేందర్​కు ఇవ్వాలని డీఈ సూచించాడు. అప్పటికే నిఘా పెట్టిన ఏసీబీ అధికారులు... మహేందర్​కు డబ్బులు ఇస్తుండగా పట్టుకున్నారు. డీఈ శ్రీనివాస్​తో పాటు మహేందర్​పై కూడా కేసు నమోదు చేసి అదుపులోకి తీసుకున్నట్లు ఏసీబీ డీఎస్పీ సూర్యనారాయణ తెలిపారు.

ఇదీ చూడండి: 'సీఎంకు పంపినవి రసాయనాల సీసాలు కావు... మురుగునీరే'