ముఖ్యమంత్రి సభ రక్షణ ఏర్పాట్లను పరిశీలించిన ఎస్పీ

రేపు హుజూర్​నగర్​లో​ జరగబోయే కేసీఆర్​ 'కృతజ్ఞత సభ' సందర్భంగా రక్షణ ఏర్పాట్లను సూర్యాపేట జిల్లా ఎస్పీ భాస్కరన్​ పరిశీలించారు. 2 వేల 100 మంది పోలీసులతో బందోబస్తు నిర్వహిస్తున్నామన్నారు.

సూర్యాపేట జిల్లా హుజూర్​నగర్​లో రేపు ముఖ్యమంత్రి కేసీఆర్​ కృతజ్ఞత సభ సందర్భంగా రక్షణ ఏర్పాట్లను జిల్లా ఎస్పీ ఆర్​.భాస్కరన్​ పరిశీలించారు. ట్రాఫిక్ సమస్యలు రాకుండా చూడాలని జిల్లా పోలీసులను ఆదేశించారు. ముఖ్యమంత్రి రోడ్డు మార్గంలో వస్తున్నందున ప్రత్యేక బందోబస్తు ఏర్పాటు చేస్తున్నామని తెలిపారు. ట్రాఫిక్ సమస్యలు రాకుండా పెట్రోలింగ్ ఉంటుందని... సామాన్య ప్రజలకు ఇబ్బందులు కలగకుండా అవసరమైన చోట రోడ్డు మళ్లింపు ఉంటుందని వెల్లడించారు. మొత్తం 2వేల 100 మంది పోలీసు సిబ్బందితో పటిష్ట బందోబస్తు ఏర్పాట్లు చేశామన్నారు.

ఇవీ చూడండి: హుజూర్​నగర్​లో కేసీఆర్​ సభకు ఏర్పాట్లు